فوج کو سیاسی جماعتوں سے بات کرنے میں کوئی دلچسپی نہیں۔ ڈی جی آئی ایس پی آر

?️ 27 جون 2025

راولپنڈی (سچ خبریں) ڈی جی آئی ایس پی آر لیفٹیننٹ جنرل احمد شریف چوہدری نے بانی پی ٹی آئی سے کسی قسم کے بیک چینل رابطوں کی تردید کردی۔

تفصیلات کے مطابق برطانوی نشریاتی ادارے کو انٹریو میں ڈی جی آئی ایس پی آر نے کہا کہ فوج کو سیاسی جماعتوں سے بات کرنے میں کوئی دلچسپی نہیں، سیاسی معاملات سیاستدانوں کو خود طے کرنے چاہئیں۔ لیفٹیننٹ جنرل احمد شریف چوہدری نے کہا کہ ہم بلوچی، سندھی اور پنجابی نہیں، ہم ایک ہیں، بلوچستان کے عوام پاکستان کے ساتھ ہیں، بلوچستان اور پاکستان ایک ہیں، بلوچستان ہمارے سرکا تاج ہے۔ بھارت کے پیسوں پر جن کا روزگار لگاہوا ہے، وہ مفروضے بناتے ہیں۔

ڈی جی آئی ایس پی آر نے کہا کہ دہشتگرد بلوچستان کی ترقی اور خوشحالی کے ہر کام کو ٹارگٹ کررہے ہیں، دہشتگرد لوگوں کو بسوں سے اُتار رہے ہیں، دہشتگرد نہتے لوگوں کو مار رہے ہیں۔ لیفٹیننٹ جنرل احمد شریف چوہدری نے کہا کہ بلوچستان میں جو دہشتگرد آپریٹ کررہے ہیں وہ ہمارے سامنے آتےہ یں تو ہم انہیں مارتے ہیں، وہ خام خیالی میں رہتے ہیں کہ بلوچستان میں پاکستان کیخلاف جذبات ہے لیکن ایسانہیں ہے۔ افغان عبوری حکومت کو کہتے ہیں خارجیوں کو سپورٹ نہ کریں،ایکشن لیں۔

ڈی جی آئی ایس پی آر نے کہا کہ لاپتاافراد کے معاملے پر کمیشن بنا ہوا ہے، حکومت پاکستان ایک ایک بندے کو ٹریک کرنے پر لگی ہوئی ہے، کسی شخص کو غائب کرنے اور اُٹھانے کی قانون اجازت نہیں دیتا۔ کسی بھی بندے کو گھر سے اُٹھانا غلط ہے۔