فلسطین عالمی اتحاد کا مرکز ہے:پاکستانی جماعتیں اور اہم شخصیات

?️ 9 اپریل 2023

سچ خبریں:پاکستان کے مختلف شہروں میں فلسطین اسلامی اتحاد کا محور کے عنوان سے منعقد ہونے والی کانفرنسوں کے شرکاء نے تاکید کی کہ فلسطین اور صیہونی حکومت کے خلاف متحدہ جدوجہد عالم اسلام کے اتحاد کا محور ہے۔

جیسے جیسے رمضان المبارک کا تیسرا عشرہ اور اس ماہ کا آخری جمعہ قریب آتا جا رہا ہے جسے امام خمینی کے فرمان کے مطابق عالمی یوم قدس کے نام سے جانا جاتا ہے، پاکستان کے مسلمان فلسطینی مظلوم قوم کے ساتھ اپنی حمایت اور یکجہتی نیز صہیونی دشمن اور حامیوں سے اپنی بیزاری کا اظہار کررہے ہیں۔

اس سلسلے میں پاکستان کے مختلف شہروں میں گزشتہ دنوں عالمی یوم قدس کے اجتماعات اور اتحاد برائے آزادی فلسطین کے عنوان سے متعدد کانفرنسیں منعقد ہوئیں جن میں اس ملک کے دانشوروں نے اسلامی جمہوریہ ایران اور سعودی عرب کے درمیان باضابطہ تعلقات کے آغاز کا خیرمقدم کرتے ہوئے کہا کہ اس اقدام نے عالم اسلام کے دل کو تقویت بخشی نیز فلسطین اور خطے کی مظلوم اقوام کے دفاع کو مضبوط کیا۔

اسلام آباد میں فلسطین محور اسلامی اتحاد کے موضود پر ہونے والی کانفرنس کے مقررین نے مسلم اقوام کو اسرائیل کی سازشوں اور امریکی قیادت میں صیہونیوں کے ساتھ سمجھوتہ کرنے کے منصوبے کے خلاف ہوشیار رہنے کی ضرورت پر زور دیا،جمعیت علماء پاکستان کے نائب صدر علامہ حیدر علوی نے عالمی یوم قدس منانے کی ضرورت پر تاکید کرتے ہوئے کہا کہ شیطان عظیم امریکہ اور اس کی ناجائز اولاد اسرائیل کی سازشیں ہمیشہ خطے کی اقوام کے سامنے ہیں، دنیا کے مسلمانوں کو اور ہمیں متکبرانہ دباؤ اور سازشوں کے سامنے نہیں جھکنا چاہیے۔

پاکستان میں ایرانی سفارتخانے کے ثقافتی مشیر احسان خزاعی نے بھی اس کانفرنس سے خطاب کے دوران کہا کہ رمضان المبارک کے آخری جمعہ کو خصوصی دور اندیشی کے ساتھ عالمی یوم قدس کا نام دیا گیا ہے، یوم قدس اسلامی انقلاب کے عظیم بانی امام خمینی کی عالمی نگاہ، ایک پائیدار میراث ہے اور ان کی سب سے قیمتی یادوں میں سے ایک ہے،یوم قدس منانا حق اور باطل کے درمیان کشمکش اور ناانصافی کے خلاف انصاف کی صف بندی کو ظاہر کرتا ہے۔

عالمی یوم قدس کی یاد اور فلسطین سے اظہار یکجہتی اسلامی جمہوریہ ایران کے کلچر ہاؤس کے زیر اہتمام شہر کراچی میں ممتاز سیاسی اور مذہبی شخصیات کی موجودگی میں تقریب ہوئی، رپورٹ کے مطابق پاکستان کے دانشوروں نے اسلام آباد میں فلسطین پروٹیکشن فاؤنڈیشن (PLF) کے زیر اہتمام فلسطین ڈیفنس کانفرنس میں مسجد الاقصی پر صہیونی فوج کے حملے کی مذمت کرتے ہوئے اعلان کیا کہ یہ ہر مسلمان کا فرض ہے کہ وہ مقبوضہ فلسطین کے اپنے بھائیوں اور بہنوں کے دفاع کے لیے اٹھ کھڑا ہو، ہم اس حمایت اور اسرائیل مردہ باد کا نعرہ لگا لگانے کے لیے پرعزم ہیں ۔

پاکستان کی سرحدی ریاستوں کے امور کے وزیرسنیٹر طلحہ محمود ، تحریک انصاف پارٹی کے علی محمد خان اور پاکستان میں فلسطین اسپورٹ فاؤنڈیشن کے سیکرٹری جنرل صابر ابو مریم نے اپنی تقاریر میں کہا کہ مغرب مسلمانوں بالخصوص فلسطینی قوم کے خلاف اپنا امتیازی رویہ ختم کرے اور غاصب اسرائیلی حکومت کے حملے بند کرے۔