عمران خان کیخلاف بوگس کیسز چل رہے ہیں میری دعا ہے فیصلہ میرٹ پر ہو،زرتاج گل

?️ 29 مئی 2024

اسلام آباد: (سچ خبریں) پاکستان تحریک انصاف کی رہنماء زرتاج گل کا کہنا ہے کہ عمران خان کیخلاف بوگس کیسز چل رہے ہیں ،میری دعا ہے سب کیسز کا میرٹ پر فیصلہ ہو ،میرا لیڈر تو اسی ملک میں ہے اور اپنے کیسز اور عوام کا دفاع کر رہا ہے،پی ٹی آئی کے بانی چیئرمین کیخلاف اتنے عرصے سے بے بنیاداوربوگس مقدمات عدالتوں میں چل رہے ہیں کوئی تو حل ہو۔

اسلام آباد ہائیکورٹ کے باہر میڈیا سے گفتگو کرتے ہوئے انہوں نے کہا کہ یہاں تو اچانک سے 26 سال بعد ایک چھٹی دے دی جاتی ہے اور ایک ایسا لیڈر بھی ہوتا تھا کہ 25 روپے کے اسٹیمپ پیپر پر پلیٹ لیٹس کا بہانہ بنا کر ملک سے باہر جا سکتا تھا۔بانی پی ٹی آئی عمران خان کی بلیو شرٹ میں تصویر آئی تو پورا پاکستان بلیو ہو گیا۔

پاکستان کا سب سے بڑا لیڈر قائد اعظم کے بعد بانی پی ٹی آئی ہی ہیں۔

گفتگو کے دوران ان کا کہنا تھا کہ 8فروری کو ہونے والے انتخابات میں عوام نے تمام رکاوٹوں کو عبور کرتے ہوئے اپنا فیصلہ پی ٹی آئی کے حق میں سنایا تھا ۔خیال رہے کہ پاکستان تحریک انصاف کے رہنماﺅں نے بھی عدت میں نکاح کیس کا فیصلہ نہ سنانا پری پلان کا حصہ قرار دیاہے ، جج پر کیس نہ سننے کیلئے دباو¿ ڈالا گیا۔شبلی فراز اور عمر ایوب کے ہمراہ میڈیا سے گفتگو کرتے ہوئے بیرسٹر گوہر نے کہا کہ خاور مانیکا نے عدالت میں نامناسب الفاظ کا استعمال کیا۔

بیرسٹر گوہر نے کہا یہ وہ کیس ہے جو 2 دن میں مکمل ہو چکا تھا۔ہمیں ثبوت پیش کرنے کی اجازت نہیں دی گئی، ہم عدلیہ سے امیدیں لگائے بیٹھے ہیں۔انہوں نے مزید کہا کہ خاورمانیکا عدالت کو کہہ رہے تھے مجھے 10منٹ کا وقت چاہیے، عدالت نے خاورمانیکا کو 10منٹ سے زیادہ کا وقت دیا، بیرسٹر گوہر خاور مانیکا نے عدالت میں بہت غیر اخلاقی گفتگو کی ہے۔یاد رہے کہ بانی چیئرمین پی ٹی آئی عمران خان کے خلاف دورانِ عدت نکاح کیس میں خاور مانیکا کی جانب سے جج پر عدم اعتماد کا اظہار کردیا گیا۔ جس کے بعد جج نے کیس ٹرانسفر کرنے کیلئے ہائی کورٹ کو خط لکھ دیا۔