عمران خان نے پولی گرافک ٹیسٹ کروانے سے ایک بارپھر انکار کر دیا

?️

راولپنڈی: (سچ خبریں) راولپنڈی کی اڈیالہ جیل میں قید بانی پی ٹی آئی عمران خان نے پولی گرافک ٹیسٹ کروانے سے ایک بار پھر انکارکر دیا،بانی پی ٹی آئی نے وکلاءکی عدم موجودگی میں پولیس تفتیش میں شامل ہونے سے انکار کیا،ڈی ایس پی کی قیادت میں پنجاب پولیس کی 11رکنی ٹیم بانی پی ٹی آئی عمران خان کا پولی گرافک ٹیسٹ کرنے اڈیالہ جیل پہنچی ۔

تفتیشی ٹیم کی قیادت ڈی ایس پی آصف جاوید نے کی جب کہ ان کے ہمراہ تین تجربہ کار انسپکٹرز بھی موجود ہیں جن میں انسپکٹر محمد اسلم، انسپکٹر محمد عالم اور انسپکٹر محمد ارحم شامل ہیں۔پولیس تفتیشی ٹیم میں پنجاب فرانزک سائنس ایجنسی سے عابد ایوب بھی ٹیم کا حصہ ہیں۔جیل میں عملہ بانی پی ٹی آئی کو سیل میں بلانے کیلئے گیا لیکن وہ نہیں آئے اور وکلا کی عدم موجودگی میں ٹیسٹ کرانے سے انکار کردیا۔

بانی پی ٹی آئی عمران خان کا موقف تھا کہ جب تک ان کی وکلاءکی ٹیم موجود نہیں ہوگی وہ اس وقت تک تفتیش کے عمل میں شامل نہیں ہونگے۔قبل ازیںلاہور پولیس کی تفتیشی ٹیم آج دوپہر بانی پی ٹی آئی عمران خان سے تفتیش کیلئے اڈیالہ جیل پہنچی ۔تفتیشی ٹیم اڈیالہ جیل کے گیٹ نمبر 5 سے اندر داخل ہوئی جہاں انہیں مکمل سیکیورٹی کے ساتھ جیل حکام کی جانب سے خوش آمدید کہا گیا۔

ٹیم نے جیل کے اندربانی پی ٹی آئی عمران خان سے ملاقات کیلئے تمام قانونی تقاضے مکمل کئے اور ان سے تفتیش کا باقاعدہ آغاز کیا گیا۔واضح رہے کہ چند روز قبل لاہورکی انسداد دہشت گردی نے بانی پی ٹی آئی عمران خان کے پولی گرافک ٹیسٹ اور فوٹوگرامیٹک ٹیسٹ کرنے کا حکم دیا تھا۔عدالت نے بانی پی ٹی آئی کے خلاف لاہور پولیس کی درخواست منظورکرتے ہوئے بانی پی ٹی آئی کا فوٹو گرامیٹک ٹیسٹ اور پولی گرافک ٹیسٹ کروانے کا محفوظ فیصلہ سنا دیاتھا۔

بعدازاںانسداد دہشت گری عدالت نے 9 مئی لاہور کے مقدمات میں بانی پی ٹی آئی عمران خان کے پولی گرافک سمیت دیگر ٹیسٹ کی اجازت دینے کا تحریری فیصلہ جاری کردیاتھا۔عدالت کا کہناتھا کہ پولی گرافک اور وائس میچنگ ٹیسٹ کا فائدہ ملزم اور پراسکیوشن دونوں کو ہو سکتا تھا۔ بانی پی ٹی آئی پر لگے الزامات کی سچائی جاننے کیلئے یہ ٹیسٹ مددگار ثابت ہوگا۔

عدالت نے تحریری فیصلے میں کہا تھاکہ سپرنٹنڈنٹ اڈیالہ جیل متعلقہ ٹیسٹوں کیلئے جیل میں ہی تمام تر انتظامات کرے۔یہ ٹیسٹ قابل قدر اور بیکار شواہد کے درمیان فرق کرنے کی مخلصانہ کوشش ہوگی۔ تفتیشی افسر ان ٹیسٹوں کی روشنی میں ہی درست نتائج تک پہنچے گا۔تحریری فیصلے میں جج منظر علی گل نے لکھاتھا کہ پراسکیوشن کا عمل یہ ثابت کرتا ہے کہ وہ ان معاملے کو کھینچنا نہیں چاہتے۔

عدالت نے تحریر کیا تھاکہ بانی پی ٹی آئی کے وکیل نے اعتراض اٹھایا کہ ٹیسٹوں کی درخواست 727 دنوں بعد دائر کی گئی تھی جبکہ پراسکیوشن کے مطابق وہ بانی پی ٹی آئی کے جسمانی ریمانڈ اور پولی گرافک ٹیسٹ کیلئے متعدد عدالتوں سے رجوع کرتے رہے تھے۔ عمران خان کے وکیل کے مطابق، پراسکیوشن نے ٹیسٹوں کیلئے ایک ہی نوعیت کی 12 درخواستیں دائر کیں تھیں۔

عدالت نے اپنے فیصلے میں یہ بھی تحریر کیا کہ اے ٹی سی لاہور نے بانی پی ٹی آئی کو سپریٹینڈنٹ اڈیالہ جیل کے ذریعے بانی پی ٹی آئی کو دو بار نوٹس بھیجے گئے تھے۔ بانی پی ٹی آئی نے ٹیسٹ کروانے کی درخواست کے نوٹس وصول کرنے سے انکار کردیا تھا۔ تفتیشی افسر آئندہ سماعت پر ٹیسٹوں سے متعلق رپورٹ جمع کرائیں۔عدالت نے تفتیشی افسر کو 26 مئی تک پولی گرافک، فوٹو گرامیٹک اور وائس میچنگ ٹیسٹ مکمل کرنے کی ہدایت کی تھی۔

مشہور خبریں۔

آپریشن غضب للحق: کابل، ننگرہار میں کامیاب فضائی حملے، ایمونیشن، ٹیکنیکل انفراسٹرکچر تباہ

?️ 16 مارچ 2026اسلام آباد (سچ خبریں) آپریشن غضب للحق کے تحت پاک افواج کے

کسی میں ایرانی سرحدوں کے قریب آنے کی ہمت نہیں:ایرانی فوج کے ڈپٹی کوآرڈینیٹر

?️ 27 ستمبر 2022سچ خبریں:اسلامی جمہوریہ ایران کی فوج کے ڈپٹی کوآرڈینیٹر ایڈمیرل سیاری نے

صہیونی فوج کی صفوں میں زلزلہ

?️ 19 مارچ 2024سچ خبریں:معاریو اخبار نے اپنی ایک رپورٹ میں بتایا ہے کہ صیہونی

امریکہ کا یوکرین کو دور تک مار کرنے والے میزائل سسٹم بھیجنے کا منصوبہ

?️ 27 مئی 2022سچ خبریں:  سی این این نے امریکی حکومتی ذرائع کے حوالے سے

ایران کے خلاف غیر قانونی جنگ ختم کرو؛ امریکی سینیٹر کا ٹرمپ سے مطالبہ

?️ 3 ستمبر 2026سچ خبریں:امریکی سینیٹر برنی سینڈرز نے ڈونلڈ ٹرمپ سے مطالبہ کیا ہے

مشرق وسطی میں وحشت ایجاد کرنے کی امریکی کوشش

?️ 3 اگست 2024سچ خبریں: امریکی محکمہ دفاع پینٹاگون نے اعلان کیا ہے کہ وہ

بگرام بیس کے حوالے سے ہیبت اللہ اخوندزادہ کی سینئر طالبان رہنماؤں سے اہم ملاقات

?️ 26 ستمبر 2025سچ خبریں: افغان ذرائع نے المیادین کو بتایا ہے کہ طالبان کے رہبر

بھارتی کوششیں ناکام، آئی ایم ایف نے پاکستان کو ایک ارب 2 کروڑ 30 لاکھ ڈالر جاری کردیے

?️ 14 مئی 2025اسلام آباد: (سچ خبریں) بھارت کی تمام ترکوششیں ناکام ہوگئیں اور عالمی

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے