صنعتی پیکج کی توسیع کیلئے ٹیکس آرڈیننس میں ترمیم کا آرڈیننس جاری

?️

صدر پاکستان ڈاکٹر عارف علوی نے انکم ٹیکس آرڈیننس 2001 میں ترمیم کے لیے ایک آرڈیننس جاری کردیا تاکہ صنعت کے فروغ کے پیکج کو توسیع دی جاسکے۔

(سچ خبریں) رپورٹ کے مطابق پروموشن پیکج میں صنعت کے فروغ، کمزور یونٹس کی بحالی اور صنعتی شعبے میں غیر ملکی سرمایہ کاری کے لیے مراعات شامل ہیں۔

ایمنسٹی اسکیم کے تحت ان تمام افراد کو عام معافی دی گئی ہے جو نئی صنعتوں میں سرمایہ کاری کے ذریعے 5 فیصد ٹیکس ادا کرکے اثاثے ظاہر کردیں گے۔

ایمنسٹی حاصل کرنے کے لیے کم از کم سرمایہ کاری کی حد 5 کروڑ روپے ہے اور صنعتی یونٹ ایک کمپنی کے طور پر قائم کیا جائے گا، نئے صنعتی یونٹس کو 30 جون 2024 کو تجارتی پیداوار شروع کرنے کا پابند کیا جائے گا۔

واضح کیا گیا ہے کہ 2018 اور 2019 کی ایمنسٹی اسکیموں سے مستفید ہونے والے افراد اس سہولت سے فائدہ اٹھانے کے اہل نہیں، مزید یہ کہ گزشتہ 3 برسوں میں بینک کے قرض نادہندگان بھی اس اسکیم کے اہل نہیں ہیں۔

آرڈیننس میں واضح طور پر کہا گیا ہے کہ جرائم، بدعنوانی، منی لانڈرنگ اور دہشت گردی کی مالی معاونت سے حاصل ہونے والی کوئی بھی آمدنی اس اسکیم کے لیے قابل قبول نہیں ہوگی، اسی طرح کوئی بھی رقم جو کسی محکمانہ یا عدالتی کارروائی سے مشروط ہو وہ بھی اس اسکیم کے لیے اہل نہیں۔

وہ شعبے جو ایمنسٹی اسکیم سے فائدہ اٹھانے کے اہل نہیں ہوں گے ان میں اسلحہ اور گولہ بارود، دھماکہ خیز مواد، چینی، سگریٹ، سافٹ ڈرنکس، فلور ملز، سبزیوں کا تیل اور کوکنگ آئل کی مینوفیکچرنگ (ایکسٹرکشن یونٹ کے علاوہ) شامل ہیں۔

تفصیلات کے مطابق اسکیم کا حصہ بننے والا شخص نئی کمپنی میں سرمایہ کاری کے لیے فنڈز کی رقم ظاہر کرے گا اور 30 ستمبر 2022 تک ایک اسٹیٹمنٹ جمع کروائے گا، فنڈز کا استعمال صنعتوں کی عمارتوں اور ڈھانچے کی تعمیر کے لیے پلانٹس اور مشینری کی خریداری یا درآمد کے لیے کیا جائے گا۔

ظاہر کردہ رقم خفیہ ہوگی اور فیڈرل بورڈ آف ریونیو کے ذریعے کسی اتھارٹی، عدالت، وفاقی تحقیقاتی ایجنسی یا قومی احتساب بیورو کے سامنے ظاہر نہیں کی جاسکتی۔

تاہم 30 جون 2026 سے پہلے انڈسٹریل انڈرٹیکنگ کمپنی کی ملکیت میں کوئی تبدیلی نہیں ہوگی۔

مزید یہ کہ 30 جون 2026 سے پہلے اثاثوں کا کوئی تصرف نہیں ہوگا۔

موجودہ انڈسٹریل انڈرٹیکنگ میں جدت کے لیے اسکیم سے فائدہ اٹھاتے ہوئے سرمایہ کاری کے لیے آرڈیننس کے ذریعے تقریباً اسی طرح کی شرائط بتائی گئی ہیں۔

کمزور صنعتی یونٹس کو بحالی کے لیے حاصل کرنے والی کمپنیوں کو بھی ایمنسٹی اسکیم کے تحت مراعات فراہم کی گئی ہیں۔

مشہور خبریں۔

آپریشن بنیان مرصوص کی کامیابی پر یوم تشکر، سیاسی و عسکری قیادت کی شہید اسکواڈرن لیڈر عثمان یوسف کے گھر آمد

?️ 16 مئی 2025اسلام آباد: (سچ خبریں) بھارت کے خلاف معرکہ حق کے آپریشن ’بنیان

ایران کے جوہری معاملے کے حوالے سے مزید رابطے کیے جائیں گے: روس

?️ 7 اپریل 2025سچ خبریں: روس ایران کے ساتھ جوہری معاملے پرمسلسل بات چیت کر رہا

غزہ کی انتظامیہ کے لیے امریکہ اور اسرائیل کے امارات کے ساتھ خفیہ مذاکرات

?️ 8 جنوری 2025سچ خبریں: 24 نیوز ٹی وی کی رپورٹ مطابق اسرائیل اور امریکہ

ٹرمپ کے ٹک ٹاک کو جوائن کرنے کی وجوہات

?️ 3 جون 2024سچ خبریں: 2024 کے انتخابات کے لیے ریپبلکن امیدوار ڈونلڈ ٹرمپ نے ٹک

منی لانڈرنگ کیس: پرویز الٰہی، مونس الہیٰ 23 اکتوبر کو طلب

?️ 13 اکتوبر 2023 لاہور: (سچ خبریں) لاہور کی خصوصی عدالت نے منی لانڈرنگ کیس میں

شوکت ترین سمیت 4 امیدوار کے کاغذات جمع

?️ 3 دسمبر 2021خیبر پختونخوا(سچ خبریں) خیبرپختونخوا سے سینیٹ کی خالی ہونے والی نشست پر

آئی ایم ایف کو لکھا جائے گا کہ سیاسی استحکام کے بغیر معاشی استحکام نہیں آسکتا، عمران خان

?️ 27 فروری 2024راولپنڈی: (سچ خبریں) پاکستان تحریک انصاف کے قائد عمران خان نے کہا ہے کہ میں جیل سے

سعودی شہریوں کی نظر میں غزہ کی جنگ ؟

?️ 26 دسمبر 2023سچ خبریں: ایک معتبر امریکی تھنک ٹینک کے نئے سروے کے نتائج

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے