شہباز شریف کا سہیل آفریدی سے رابطہ، وزیراعلی بننے پر مبارکباد دی

?️ 16 اکتوبر 2025

پشاور (سچ خبریں) وزیراعظم شہباز شریف اور وزیراعلی خیبرپختونخوا سہیل آفریدی کے درمیان ٹیلیفونک رابطہ ہوا۔

وزیراعظم محمد شہبازشریف نے سہیل آفریدی کو وزیراعلی منتخب ہونے پر مبارکباد دی، انہوں نے کہا کہ پاکستان کے مفاد میں وفاق آپ کے ساتھ مل کر چلنے کو تیار ہے۔

واضح رہے کہ پی ٹی آئی سے تعلق رکھنے والے محمد سہیل آفریدی نے بطور 30ویں وزیراعلی خیبرپختونخوا کا حلف اٹھا لیا ہے، 1937 میں خیبر پختونخوا کے پہلے وزیراعلی صاحبزادہ قیوم بنے، 1937 میں خان عبدالجبار خان انڈین نیشنل کانگرس سے منتخب ہوئے جن کا دورانیہ دو سال دو ماہ رہا، 25 مئی 1943 کو سردار اورنگزیب نے آل انڈین مسلم کے پلیٹ فارم سے وزیراعلیٰ کا حلف اٹھایا۔

16 مارچ 1945 کو دوسری مرتبہ خان عبدالجبار خان انڈین نیشنل کانگرس سے دوبارہ وزیراعلی منتخب ہوئے، آزادی پاکستان کے بعد 23 اگست 1947 کو عبدالقیوم خان کاشمیری پاکستان مسلم لیگ سے پہلے وزیر اعلی بنے،23 اپریل 1953 کو سردار بہادر خان نے پاکستان مسلم لیگ سے وزیراعلی کا منصب سنھبالا تھا۔

2023 میں اپوزیشن اور حکومتی مشاورت کے بعد متفقہ طور پر محمد اعظم کو نگران وزیراعلی بنایا گیا تاہم 9 ماہ گزرنے کے بعد ان کی وفات ہوئی اور جسٹس (ر) ارشد حسین نگران وزیراعلی بنے، 2025 میں پی ٹی آئی نے تیسری مرتبہ بھاری اکثریت حاصل کی اور علی امین گنڈاپور کو وزیراعلی بنایا گیا۔

تاہم ایک سال بعد ہی پارٹی کی جانب سے انہیں عہدے سے ہٹادیا گیا، وزیراعلی کا قرعہ پی ٹی ائی کے محمد سہیل آفریدی کے نام نکلا جو کہ 15 اکتوبر 2025 کو حلف اٹھا کر خیبر پختونخوا کے 30ویں وزیر اعلی بن گئے۔