اسلام آباد(سچ خبریں) وزیر خارجہ شاہ محمود قریشی نے کہا کہ الحمدللہ ہم ایک پیغام بھیجنے میں کامیاب ہوگئے ہیں، او آئی سی وزرائے کونسل اجلاس کا پاکستان میں انعقاد ایک تاریخی اجلاس ہے ۔ افغانستان کی صورتحال بہت تشویشناک ہے ، افغانستان میں اس وقت دواؤں اور خوراک کی ضرورت ہے وہاں اس وقت بینکنگ نظام کام نہیں کر رہا ہے۔
تفصیلات کے مطابق او آئی سی وزرائے خارجہ کونسل کا پارلیمنٹ ہاؤس میں غیر معمولی اجلاس آج ہو رہا ہے، وزیر خارجہ شاہ محمود قریشی اجلاس میں شرکت کے لیے پہنچے اور میڈیا سے مختصر گفتگو کی۔ وزیر خارجہ شاہ محمود قریشی نے کہا کہ افغانستان میں اس وقت دواؤں اور خوراک کی ضرورت ہے، افغانستان میں اس وقت بینکنگ نظام کام نہیں کررہا ہے، افغانستان کی معیشت چلانے کے لیے وہاں بینکنگ نظام فعال ہونا ضروری ہے۔
شاہ محمود قریشی نے کہا کہ اوآئی سی وزرائےخارجہ کونسل کے اجلاس سے قبل الحمد للہ ایک پیغام ہم بھیجنے میں کامیاب ہوگئے ہیں۔ تاریخی اجلاس کچھ دیر بعد شروع ہو گا، وزیر خارجہ شاہ محمود قریشی اجلاس کے لیے آنے والے شرکا کا استقبال کیا، سعودی عرب، یو اے ای اور ملائیشیا کے وزرائے خارجہ پارلیمنٹ ہاؤس پہنچ گئے ہیں۔
