سیاسی بحرانوں سے نجات کے لیے سیاسی قیادت کو چاہیئے کہ بند گلی سے باہر آئے

?️

لاہور: (سچ خبریں) نائب امیر جماعت اسلامی لیاقت بلوچ نے لاہور میں تحریک انصاف کے وائس چیئرمین شاہ محمود قریشی اور سینیٹر اعجاز احمد چوہدری کی ہسپتال میں عیادت و ملاقات کی اور دونوں رہنماؤں کی جلد صحت یابی اور ان کے لیے نیک خواہشات کا اظہار کیا۔
لیاقت بلوچ نے شاہ محمود قریشی اور اعجاز چوہدری سے ملاقات کے بعد میڈیا سے گفتگو کرتے ہوئے کہا کہ سیاسی بحرانوں سے نجات کے لیے قومی سیاسی قیادت بند گلی سے باہر آئے جبکہ سیاسی بحرانوں کا سیاسی حل ناگزیر ہے۔
 لیاقت بلوچ نے کہا وزیراعظم دہشتگردی کے مستقل سدباب کے لیے قومی کانفرنس بلائیں، بھارت اسرائیل دہشت گردی کا مرکز اور عالمی امن کے لیے خطرہ ہیں۔ مزید برآں امیر جماعت اسلامی پاکستان حافظ نعیم الرحمن نے کہا ہے کہ بھارت کشمیر اور اسرائیل غزہ میں بدترین جارحیت اور دہشت گردی کر رہا ہے، امریکی صدر پر ہر گز اعتماد نہیں کیا جا سکتا، وہ بھارت کے حامی اور غزہ میں فلسطینیوں کے قتل کے ذمہ دار ہیں۔
پاک فوج اور ائیر فورس نے جس طرح بھارت کے خلاف مہارت اور جدید ٹیکنالوجی کا مظاہرہ کیا ہے اسی طرح اسرائیل کے خلاف بھی عملی اقدامات کیے جائیں، جماعت اسلامی شعبہ میڈیکل کے تحت 31 مئی کو اہل غزہ سے اظہار یکجہتی کے لیے کراچی میں ”ڈاکٹروں کا مارچ“ ہوگا، یکم جون کو حیدر آباد میں عظیم الشان و تاریخی”بھارت و اسرائیل مردہ بادجلسہ عام“کیا جائے گا۔
ادارہ نور حق کراچی میں پریس کانفرنس سے خطاب کرتے ہوئے امیر جماعت نے کہا کہ مسلم ممالک کے حکمران غیرت وحمیت کا مظاہرہ کریں اور فلسطین کی مدد کریں، اسرائیلی مصنوعات کا بائیکاٹ کیا جائے۔ جماعت اسلامی اور الخدمت کے تحت غذائی اجناس فراہم کرنے کی کوشش کی جارہی ہے۔ انھوں نے کہا کہ پیپلز پارٹی آرمی چیف کی تصاویر لگانے سے مقبول نہیں ہو سکتی، کراچی کو اس کا حق دے، پانی بحران سمیت دیگر مسائل حل کرے، منتخب بلدیاتی نمائندوں کو سپریم کورٹ کے حکم اور آرٹیکل 140-A کے تحت اختیارات و وسائل فراہم کرے، کے الیکٹرک، نیپرا اور حکومتی گٹھ جوڑ سے کراچی کے عوام کی خون پیسنے کی کمائی لوٹی جارہی ہے، کے الیکٹرک کو رائٹ آف کلیم کے نام پر 76ارب روپے وصولی کی اجازت دی گئی تو جماعت اسلامی وزیر اعلیٰ ہاؤس کا گھیراؤ کرے گی، کے الیکٹرک لائسنس منسوخ اور فارنزک آڈٹ کرایا جائے، کراچی کو کے الیکٹرک کی مہنگی بجلی کے بجائے نیشنل گرڈ سے سستی اور بلا تعطل بجلی دی جائے۔
حافظ نعیم الرحمن نے کہا کہ حکومت بجٹ میں تنخواہ دار طبقے پر ٹیکس لگانے کے بجائے وڈیروں و جاگیرداروں پر ٹیکس لگائے، حکمران طبقہ آئی ایم ایف کے کہنے کے باوجود اپنی مراعات اور سہولیات کم نہیں کرتا۔ انھوں نے کہا کہ پاکستان نے بھارت کا غرور خاک میں ملا دیا ہے، بھارت چھپ کر وار کرنے کا عادی ہے وہ ہمیں اندرونی طور پر کمزور اور تقسیم کرنے کی سازش کر رہا ہے، ہمیں بھارت کے خلاف میدان ِ جنگ کی تیاری بھی کرنی ہے اور ملک میں امن و امان بھی یقینی بنایا جائے، دہشت گردوں کے خلاف کارروائی پر کوئی اعتراض نہیں لیکن اگر کوئی غلطی ہوئی ہے تو اسے تسلیم کیا جائے اور دشمن کو موقع فراہم نہ کیا جائے، وزیرستان دھرنے کے مطالبات جائز ہیں ان کو منظور اور عوام کو اعتماد میں لیا جائے، خضدار میں بچوں کو بھارت نے اپنے ایجنٹوں کے ذریعے نشانہ بنایا ہے، پورا بلوچستان پاک بھارت جنگ میں فوج کے ساتھ رہا اور ہم نے فلسطین کے مسئلے پر کال دی تو بھی پورے بلوچستان نے حمایت کی۔
حافظ نعیم الرحمن نے مزید کہا کہ غزہ کی صورتحال انتہائی تشویش ناک ہے، اسرائیل بد مست ہاتھی بناہوا ہے اور غزہ کی ناکابندی برقرار رکھی ہوئی ہے غذائی اجناس پہنچنا مشکل ہوگئی ہیں۔ غزہ میں شدید قحط سالی ہے، یہ اس دور میں ہورہا ہے جب انسان چاند پر پہنچ رہا ہے۔ دوسری جانب غزہ میں بھوک سے فلسطینی بچے شہید ہورہے ہیں،فلسطین میں دوائیاں نہیں ہیں اور بچوں کی بغیر انجکشن کے سرجری کی جارہی ہے۔
عوامی سطح پر یورپ، افریقہ اور آسٹریلیا میں بھی غزہ کی حمایت میں آواز بلند ہونا شروع ہوگئی ہیں، برطانیہ میں سروے کے مطابق 50 فیصد لوگ فلسطین کے حق میں ہیں اور اسرائیل کے خلاف ہیں۔ پاکستان میں بھی پورے ملک میں فلسطین سے اظہار یکجہتی کے لیے بڑے بڑے مارچ ہوئے ہیں۔ تاریخ میں پہلی بار مالاکنڈ کی خواتین نے بھی مارچ میں بھرپور شرکت کی۔پاکستان میں موجود بڑی پارٹیوں میں سے کسی ایک نے بھی غزہ کی حمایت اور امریکہ کی مذمت نہیں کی۔

مشہور خبریں۔

صیہونی حکومت کے ساتھ ترکی کا تنازع، سچائی یا سیاسی کھیل؟

?️ 2 نومبر 2023سچ خبریں:ترکی کے صدر رجب طیب اردگان نے گزشتہ ہفتے اپنی تمام

ٹرمپ چند روز میں یوکرین میں امن کے قیام کی شرائط کا اعلان کریں گے:پولینڈ کے وزیر اعظم کا دعویٰ

?️ 11 نومبر 2024سچ خبریں:پولینڈ کے وزیر اعظم نے دعوی کیا ہے کہ ٹرمپ جلد

حالیہ ہفتوں میں ہونے والی کارروائیوں میں 16 اسرائیلی مارے گئے: الجزیرہ

?️ 1 مئی 2022سچ خبریں:  صیہونی حکومت کے ذرائع ابلاغ نے اتوار کی صبح گذشتہ

حفاظتی اقدامات نہ کرنے پر میپکو، پیسکو اور ٹیسکو کو ایک، ایک کروڑ روپے جرمانہ

?️ 4 فروری 2025اسلام آباد: (سچ خبریں) نیشنل الیکٹرک پاور ریگولیٹری اتھارٹی (نیپرا) نے کرنٹ

9 مئی واقعات کو جواز بناکر کسی جماعت کو دیوار سے لگانا جائز نہیں: سینیٹر مشتاق

?️ 22 دسمبر 2023اسلام آباد: (سچ خبریں) جماعت اسلامی کے رہنما سینیٹر مشتاق احمد نے

ثانیہ مرزا اب کس کے ساتھ شادی کرنے والی ہیں؟

?️ 22 جون 2024سچ خبریں: بھارتی میڈیا میں ثانیہ مرزا اور محمد شامی کی شادی

طالبان کا ایران اور افغانستان کے درمیان اقتصادی تعلقات کو وسعت دینے کا مطالبہ

?️ 14 اگست 2022سچ خبریں:    طالبان کی عبوری حکومت کے وزیر خارجہ امیر خان

غزہ جنگ میں اسرائیل کے لیے امریکی حمایت کے تین ستون

?️ 20 جنوری 2025سچ خبریں: اکتوبر 2023 میں فلسطین میں آپریشن الاقصیٰ طوفان کے چند

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے