سوات واقعے کا مقدمہ وزیراعلی کیخلاف درج ہونا چاہیے۔ فیصل کریم کنڈی

?️ 30 جون 2025

پشاور (سچ خبریں) گورنر خیبرپختونخوا فیصل کریم کنڈی کا کہنا ہے کہ سوات واقعہ افسوسناک ہے ، مقدمہ وزیراعلی کیخلاف درج ہونا چاہیے۔

تفصیلات کے مطابق میڈیا سے گفتگو کرتے ہوئے انہوں نے کہا کہ بروقت امدادی کارروائیوں سے انسانی جانوں کو بچایا جا سکتا تھا، متاثرہ خاندان امدا کیلئے پکارتا رہا مگر انتظامیہ نہ پہنچ سکی۔

ذرائع کے مطابق فیصل کریم کنڈی نے مزید کہا کہ خیبرپختونخوا پر 13 سال سے نااہل حکومت مسلط ہے ،صوبائی حکومت کرپشن کے نئے ریکارڈ قائم کر رہی ہے ،علی امین گنڈا پور میں اخلاقی جرات ہوتی تو اب تک استعفیٰ دے چکے ہوتے۔

انہوں نے کہا کہ پی ٹی آئی حکومت نے صوبے کو تباہی کی طرف دھکیل دیا ہے، سوات واقعے کی شفاف تحقیقات کا مطالبہ کرتے ہیں، واقعے پر وزیراعلی خیبرپختونخوا کا بیان افسوسناک ہے، متاثرین کے غم میں برابر کے شریک ہیں۔