سندھ بھر میں یکم تا 10 محرم الحرام دفعہ 144 نافذ

?️ 25 جون 2025

کراچی (سچ خبریں) کراچی سمیت سندھ بھر میں یکم محرم الحرام سے 10 محرم الحرام تک امن و امان کو برقرار رکھنے کے لیے دفعہ 144 نافذ کر دی گئی ہے۔

محکمہ داخلہ سندھ کی جانب سے جاری کردہ نوٹیفکیشن کے مطابق اس دوران کسی بھی شخص کو ساتھ اسلحہ لے کر چلنے کی اجازت نہیں ہوگی، 9 اور 10 محرم الحرام کو موٹرسائیکل پر ڈبل سواری پر بھی مکمل پابندی عائد ہوگی۔

اس اقدام کا مقصد محرم کے جلوسوں اور مجالس کے دوران کسی بھی ناخوشگوار واقعے سے بچاؤ اورشہریوں کی جان و مال کا تحفظ یقینی بنانا ہے۔

حکام کے مطابق قانون نافذ کرنے والے اداروں کو ہدایات جاری کر دی گئی ہیں کہ وہ دفعہ 144 کی خلاف ورزی کرنے والوں کے خلاف فوری کارروائی عمل میں لائیں۔