سعودی عرب اور پاکستان کو مل کر کیا کرنا چاہیے:مولانا فضل الرحمٰن

?️ 9 اگست 2024

سچ خبریں: جمعیت علمائے اسلام کے سربراہ مولانا فضل الرحمٰن نے کہا ہے کہ سعودی عرب کو اسلامی دنیا کی قیادت کا حق حاصل ہے اور ہم چاہتے ہیں کہ سعودی عرب امت مسلمہ کی رہنمائی کرے۔

مولانا فضل الرحمٰن نے قومی اسمبلی میں خطاب کرتے ہوئے کہا کہ پاکستان اور سعودی عرب کو مل کر مسلمانوں کے مسائل کو اجاگر کرنا چاہیے۔

انہوں نے سعودی سفیر اور سفیرِ خادم حرمین شرفین کو خوش آمدید کہا اور یاد دلایا کہ ماضی میں بھی بینظیر بھٹو کے دورِ حکومت میں یاسر عرفات نے اس پارلیمنٹ میں خطاب کیا تھا۔

یہ بھی پڑھیں: امام خمینی کی نظر میں بین الاقوامی نظام کے ڈھانچے

مولانا فضل الرحمٰن نے کہا کہ پارلیمنٹ کی روایات کے تحت ہمیں اپنے داخلی معاملات کو سامنے نہیں لانا چاہیے، اور معزز مہمان کی موجودگی دونوں ملکوں کے تعلقات کو مزید مضبوط کرے گی۔

انہوں نے اس موقع پر اپنے داخلی اور سیاسی معاملات پر بات نہ کرنے کا عزم ظاہر کیا اور ایوان میں پیدا ہونے والے ماحول پر معزز مہمان سے معذرت بھی کی۔

مولانا فضل الرحمٰن نے مزید کہا کہ ہمیں اندرونی سیاست پر بات کرنے کے بجائے دونوں ملکوں کے تعلقات اور باہمی تعاون پر توجہ دینی چاہیے۔

مزید پڑھیں: امت اسلامیہ کی حفاظت کے لیے امام خمینی کا ایک بےنظیر کارنامہ

انہوں نے سعودی عرب کو بین الاقوامی برادری میں پاکستان کا سب سے پہلا اور قریبی دوست قرار دیا۔