دہشت گردوں کا مذہب سے کوئی تعلق نہیں، یہ پاکستان کے دشمنوں کی پراکسیز ہیں، آرمی چیف

?️

اسلام آباد:(سچ خبریں) چیف آف آرمی اسٹاف جنرل عاصم منیر نے ملک سے دہشت گردی کے مکمل خاتمے تک آرام سے نہ بیٹھنے کا عزم دہراتے ہوئے کہا ہے کہ دہشت گردوں کا مذہب اور نظریے سے کوئی تعلق نہیں ہے اور یہ پاکستان اور اس کے عوام کے دشمنوں کی پراکسیز ہیں۔

پاک فوج کے شعبہ تعلقات عامہ (آئی ایس پی آر) سے جاری بیان میں کہا گیا کہ آرمی چیف جنرل عاصم منیر نے کوئٹہ کا دورہ کیا جہاں انہیں مستونگ اور ژوب میں ہونے والے حالیہ دہشت گردی کے حملوں کے حوالے سے بریفنگ دی گئی۔

بیان میں کہا گیا کہ بریفنگ میں نگران وفاقی وزیر داخلہ، نگران وزیراعلیٰ بلوچستان اور دیگر اہم صوبائی وزرا اور اعلیٰ سول اور عسکری عہدیدار بھی شریک تھے، شرکا نے مستونگ، ہنگو اور ژوب میں پیش آنے والے واقعات میں شہید افراد کے لیے فاتحہ کی۔

آئی ایس پی آر کا کہنا تھا کہ چیف آف آرمی اسٹاف نے شہدا کو زبردست خراج عقیدت پیش کیا اور کہا کہ 12 ربیع الاول کو دہشت گردی کے اس طرح کے حملوں سے خوارج کے مذموم ارادے ظاہر ہوتے ہیں، جنہیں دہشت گردی کے لیے ریاستی پشت پناہی حاصل ہے۔

بیان میں کہا گیا کہ جنرل عاصم منیر کا کہنا تھا کہ ان دہشت گردوں اور ان کے سہولت کاروں کا مذہب اور نظریے سے کوئی تعلق نہیں ہے اور وہ پاکستان اور اس کے عوام کے دشمنوں کی پراکسیز ہیں۔

آرمی چیف نے کہا کہ ان برائی کی طاقتوں کو مسلسل ریاست کی طاقت اور بہادر عوام کی مدد سے مسلح افواج کا سامنا کرنا ہوگا۔

انہوں نے کہا کہ دہشت گردوں کے خلاف ہماری کارروائیاں جاری رہیں گی اور مسلح افواج، خفیہ ایجنسیاں اور قانون نافذ کرنے والے ادارے اس وقت تک آرام سے نہیں بیٹھیں گے جب تک ملک سے دہشت گردی کے ناسور کا جڑ سے خاتمہ نہیں ہوتا۔

چیف آف آرمی اسٹاف نے زور دے کر کہا کہ پاکستان کے عوام نے دہشت گردوں کا نام نہاد نظریہ اور ان کے سہولت کاروں کا ایجنڈا مسترد کردیا ہے اور عوام امن، معاشی ترقی اور انسانی بہبود کے لیے مکمل طور پر پرعزم ہیں جو یقینی طور پر پاکستان کے اندر اور باہر برائی کی طاقتوں کے لیے مکمل طور پر تباہی کا باعث ہے۔

آئی ایس پی آر نے بتایا کہ آرمی چیف نے سی ایم ایچ کوئٹہ کا دورہ کیا جہاں انہوں نے مستونگ حملے کے زخمیوں اور ان کے خاندانوں سے ملاقاتیں کیں، جنہیں پاک فوج کی اجنب سے مکمل طبی امداد دی جا رہی ہے۔

اس موقع پر آرمی چیف نے بلوچستان کی پولیس اور قانون نافذ کرنے والے اداروں کی بہادری اور عزم کو سراہا۔

آئی ایس پی آر کا کہنا تھا کہ آرمی چیف نے شہدا کے خاندانوں کے ساتھ مکمل تعاون اور مدد کی یقین دہانی کرائی اور کہا کہ یقین دلاتے ہیں دہشت گردوں، ان کے معاونین اور سہولت کاروں کا خاتمہ کیا جائے گا۔

بیان میں کہا گیا کہ اس سے قبل جب چیف آف آرمی اسٹاف کوئٹہ پہنچے تو بلوچستان کے نگران وزیراعلیٰ اور کورکمانڈر بلوچستان نے ان کا استقبال کیا۔

ڈسٹرکٹ ہیلتھ آفیسر (ڈی ایچ او) مستونگ عبدالرشید محمد شہی نے بتایا کہ مستونگ دھماکے میں جاں بحق ہونے والوں کی تعداد بڑھ کر 59 ہوگئی ہے۔

ان کا کہنا تھا کہ نواب غوث بخش ہسپتال مستونگ اور دوسرے ہسپتال میں لائی گئیں تمام لاشیں ضروری قانونی کارروائی کے بعد لواحقین کے حوالے کردی گئیں۔

سول ہسپتال کوئٹہ کے ترجمان ڈاکٹر وسیم بیگ نے بتایا کہ بی ایم سی میں ایک اور سول ہسپتال ٹراما سینٹر سے 7 لاشیں ان کے ورثا کے حوالے کر دی گئی ہیں۔

ترجمان نے کہا کہ مستونگ دھماکے میں 60 سے زائد افراد زخمی ہوئے تھے، سی ایم ایچ کوئٹہ اور سول ہسپتال ٹراما سینٹر میں 25 زخمیوں کو طبی امداد دی جا رہی ہے۔

مشہور خبریں۔

پاکستان نے نام نہاد ’ آپریشن سندور’ کے بارے میں بھارتی رہنماؤں کے بے بنیاد دعووں کو مسترد کردیا

?️ 30 جولائی 2025اسلام آباد: (سچ خبریں) وزارت خارجہ نے کہا ہے کہ پاکستان بھارتی

مقبوضہ بیت المقدس میں آنروا کے دفتر کی مسماری جنگی جرم ہے: حماس

?️ 25 اگست 2026سچ خبریں:حماس نے مقبوضہ بیت المقدس کے کفر عقب میں آنروا کے

عمران کے تمام حربے ناکام ہوئے تو اس کو بچانے نئی جوڈیشل اسٹیبلشمنٹ آگئی، مریم نواز

?️ 2 مئی 2023اسلام آباد:(سچ خبریں) پاکستان مسلم لیگ (ن) کی چیف آرگنائزر مریم نواز

سینٹ کام کے سابق کمانڈر: امریکہ ایران کے مقابلے میں مشکل صورتحال میں ہے

?️ 24 مئی 2026سچ خبریں: امریکی فوج کی دہشت گرد مرکزی کمان (سینٹ کام) کے

وزیراعظم نے تحریک انصاف کی مرکزی تنظیم کا  اہم اجلاس طلب کر لیا

?️ 14 فروری 2022اسلام آباد(سچ خبریں)پی ٹی آئی حکومت کے خلاف اپوزیشن کے رابطے تیزی

شام میں امریکہ کے اشتعال انگیز اقدامات پر روس کا احتجاج

?️ 1 اپریل 2023سچ خبریں:شام میں امریکی فوجیوں کے خلاف استقامتی گروپوں کی سرگرمیوں کے

نہ قیدی رہا ہوں گے نہ ہم جیتیں گے: واللا نیوز کا تجزیہ

?️ 27 مئی 2024سچ خبریں: عبرانی زبان کی نیوز سائٹ والہ نیوز نے کہا کہ یہ

ملیشیا کے وزیر اعظم نے میٹا کمپنی کو کیا خبردار

?️ 2 اگست 2024سچ خبریں: مغربی سوشل نیٹ ورکس کا دوہرا معیار اور غزہ کی

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے