خطے میں امن کیلئے پرامن طور پر مسئلہ کشمیر کا حل ضروری ہے: آرمی چیف

?️ 18 مارچ 2021

اسلام آباد (سچ خبریں) چیف آف آرمی سٹاف جنرل قمر جاوید باجوہ نے کہا ہے کہ خطے میں امن کیلئے پرامن طور پر مسئلہ کشمیر کا حل ضروری ہے، پاکستان اور بھارت کے درمیان کشدیگی کی بڑی وجہ مسئلہ کشمیر ہے جس کا حک کشمیریوں کی امنگوں کے مطابق ہونا چاہئے۔

تفصیلات کے مطابق نیشنل سکیورٹی ڈائیلاگ کی تقریب سے خطاب کرتے ہوئے کہا کہ نیشنل سکیورٹی ڈائیلاگ وقت کی اہم ضرورت ہے ، آج دنیا کو مختلف طرز کی دہشت گردی کا سامنا ہے ، موجودہ حالات میں پاکستان کو بھی کئی چیلنجز کا سامنا ہے ، نیشنل سکیورٹی صرف اندرونی اور بیرونی خطرات کا مقابلہ کرنا نہیں ہے۔

ان کا کہنا تھا کہ ان چیلنجز سے نبرد آزما ہونے کیلئے ہمہ جہت حکمت عملی اپنانے کی ضرورت ہے ، دہشت گردی کے خاتمے کیلئے ایک طویل جدوجہد کے بعد منزل کے قریب ہیں ، پاکستان کی جیوپولیٹیکل حیثیت خطے میں معاشی ترقی کا باعث بن سکتی ہے۔انہوں نے کہا کہ نیشنل سکیورٹی میں اب صرف فوج کا کردار نہیں رہا۔

انہوں نے کہا جارح پڑوسی کے باوجود پاکستان ہتھیاروں کی دوڑ میں شامل نہیں ہوا ، کیوں کہ پاکستان خطے میں ایک ذمہ دار ملک ہے ، افغانستان میں قیام امن کے لیے پاکستان اہم کردار ادا کر رہا ہے ، افغانستان میں امن خطے میں امن کی ضمانت ہے ، خطے میں قیام ا من سے دیگر ممالک کی خوشحالی جڑی ہے۔

جنرل قمر جاوید باجوہ نے کہا کہ ہمسایوں کے ساتھ تمام تنازعات پرامن اور باوقار مذاکرات سے حل کرنا چاہتے ہیں ، پاکستان اور بھارت کے درمیان کشدیگی کی بڑی وجہ مسئلہ کشمیر ہے ، خطے میں امن کیلئے پرامن طور پر مسئلہ کشمیر کا حل ضروری ہے ، ہم چاہتے ہیں کشمیر کا مسئلہ کشمیریوں کی امنگو ں کے مطابق حل ہو۔