خصوصی  طیارہ چین سے ویکسین  لیکر اسلام آباد پہنچ گیا

?️ 29 اپریل 2021

اسلام آباد(سچ خبریں) چین سے کورونا ویکسین کی   ڈوز لیکرخصوصی طیارہ  اسلام آباد پہنچ گیا ویکسین کی ترسیل تیز کرنے کے مقصد سے  پی آئی اے کے خصوصی طیاروں کا استعمال کیا جا رہا ہے جو وفاقی اور وزارت صحت کے ایما پر خدمات انجام دے رہے ہیں، دو مزید طیارے آج پاکستان پہنچ جائیں گے۔

تفصیلات کے مطابق پی آئی اے کا خصوصی طیارہ کورونا ویکسین لیکر اسلام آباد پہنچ گیا، پی کے 6852 نے بیجنگ سے کوروناویکسین لیکراسلام آباد پر لینڈ کیا ، طیارے کے ذریعے 3لاکھ سےزائدویکسین پاکستان لائی گئی ہے۔

3بوئنگ777طیاروں کےذریعے10لاکھ ویکسین لائی جارہی ہے ، دوسراطیارہ دوپہر 12بجے اورتیسرا آج رات 12 بجے پہنچے گا ۔پی آئی اےکےطیارےوفاق ،وزارت صحت کی ایماپرخدمات انجام دےرہےہیں ، پی آئی اے کے قوی ہیکل طیاروں کےاستعمال کا مقصد ویکسین کی ترسیل تیز کرنا ہے۔

خیال رہے ذرائع کا کہنا تھا  کہ پاکستان نے چینی کمپنی سائینو فارم سے کورونا ویکسین خریدی ہے، چین سے تاحال کورونا ویکسین کی 8 کھیپس پاکستان آچکی ہیں، جس میں  کورونا ویکسین کی 35 لاکھ 60 ہزار ڈوز پہنچیں، پاکستان چین سے سائینو فارم، کینو سائینو، سائینو فارم ویکسین درآمد کررہا ہے۔اس سے قبل24 اپریل کو چین سے خریدی گئی کورونا ویکسین کی ایک کھیپ پاکستان پہنچی تھی۔

یاد رہے کوروناویکسین کے حوالے سے ڈاکٹر فیصل نے کہا تھا کہ کوروناویکسین کا استعمال شفاف طریقے سے جاری ہے ، یہ بالکل غلط ہے کہ حکومت عطیہ کی گئی ویکسین پر انحصار کررہی ہے، پاکستان نے30مارچ سے 30لاکھ ویکسین ڈوزز خریدی ہیں اور 3کروڑ کورونا ویکسین کی ڈوزز کی ڈیل کی جاچکی ہے جبکہ 17لاکھ ویکسین کی ڈوزز چین کی طرف سے عطیہ کی گئی تھیں۔