خاتون اول اور فرح خان کے بارے میں الزامات بے بنیاد ہیں:عثمان بزدار

?️

لاہور(سچ خبریں)سابق وزیر اعلیٰ پنجاب عثمان بزدار نے خاتون اول بشریٰ عمران اور فرح خان کے بارے میں الزامات کو بے بنیاد قرار دیتے ہوئے کہا ہے کہ من گھڑت اور بلا ثبوت الزامات کی سختی سے تردید اور مذمت کرتا ہوں۔

عثمان بزدار نے سماجی رابطوں کی ویب سائٹ ٹوئٹر پر اپنے پیغام میں کہا کہ میں خاتون اول بشریٰ عمران اور فرح خان کے بارے میں بے بنیاد الزامات کو قطعی طور پر مسترد کرتا ہوں۔ان کا کہنا تھا کہ علیم خان، چوہدری سرور اور دیگر اپوزیشن اراکین کے من گھڑت اور بلا ثبوت الزامات کی سختی سے تردید اور مذمت کرتا ہوں۔

انہوں نے دوٹوک الفاظ میں بے قاعدگیوں کی تردید کرتے ہوئے کہا کہ صوبہ پنجاب میں تقرر و تبادلے میرٹ اور قواعد و ضوابط کے مطابق ہوتے ہیں۔

ان کا کہنا تھا کہ منی لانڈرنگ اور کرپشن کے بے تاج بادشاہوں کا ہمیشہ وطیرہ رہا ہے کہ جب سیاسی میدان میں مات کھائیں تو بلیک میلنگ کے لیے اپنے حریفوں اور اداروں پر بے سروپا الزامات لگانے لگ جاتے ہیں۔

سابق وزیر اعلیٰ پنجاب نے کہا کہ سیاسی میدان میں شکست خوردہ عناصر بے بنیاد اور من گھڑت الزامات لگا کر اپنی خفت نہیں چھپا سکتے۔

ان کا مزید کہنا تھا کہ مسلم لیگ(ن) اور اس کے حواری ساڑھے تین سال میں مجھ پر یا میری کابینہ کے خلاف کرپشن کا ایک بھی اسکینڈل سامنے نہیں لا سکے، نہ کوئی ٹھیکہ، نہ کوئی کیلبری خط، نہ کوئی جعلی ٹرسٹ ڈیڈ، نہ کوئی مقصود چپڑاسی، نہ میرے کوئی مے فئیر کے فلیٹ سامنے آئے، اگر آپ کے پاس کوئی ثبوت ہے تو ضرور سامنے لائیں

عثمان بزدار نے کہا کہ اللہ کے فضل سے اپنےساڑھے تین سال میں پنجاب میں ایمانداری سےڈیلیور کیا، بغیر کسی ثبوت آپ گھریلو خواتین خاتون اول یا فرح خان پر الزامات لگاتے ہیں۔انہوں نے کہا کہ آپ کا مقصد صرف ایک ہے کہ کسی طرح سےعمران خان پر تنقید کر سکیں، آپ ناکام ہوں گے کیونکہ عمران خان کی ایمانداری پر کوئی انگلی نہیں اٹھا سکتا۔

مشہور خبریں۔

سابق آرمی چیف کا فوج کی صلاحیت سے متعلق بیان سیاق و سباق سے ہٹ کر پیش کیا گیا، آئی ایس پی آر

?️ 28 اپریل 2023راولپنڈی: (سچ خبریں) آئی ایس پی آر  نے کہا ہے کہ سابق

وزیر اعظم نے وزراء کو سخت بیان بازی سے منع کر دیا

?️ 31 اکتوبر 2021اسلام آباد ( سچ خبریں) وزیر اعظم عمران خان نے ملک کی

بن سلمان نے ٹرمپ سے گفتگو میں کیا کہا؟

?️ 7 نومبر 2024سچ خبریں: سعودی ولی عہد محمد بن سلمان  نے ڈونلڈ ٹرمپ کو

ہم امریکا کو افغانستان کیخلاف ہوائی اڈے نہیں دیں گے

?️ 26 جون 2021اسلام آباد (سچ خبریں) وفاقی وزیر داخلہ شیخ رشید احمد نے کہا

اسرائیل کے اقدامات صدی کی بربریت 

?️ 29 دسمبر 2023سچ خبریں:مقبوضہ فلسطینی علاقوں میں اقوام متحدہ کے انسانی حقوق کی نمائندہ

مرجع کے فتوے اور دوست ممالک کی مدد سے عراق خطرے سے بچا

?️ 14 فروری 2024سچ خبریں:عراق کے قومی سلامتی کے مشیر قاسم الاعرجی نے معاشرے میں

حیفا آپریشن کا پیغام؛ شمال میں صیہونیوں کی نقل مکانی کی ایک نئی لہر کا آغاز

?️ 15 اکتوبر 2024سچ خبریں: حزب اللہ کی جانب سے گذشتہ رات مقبوضہ حیفا کے

عالمی معاشی جنگ شروع ہونے والی ہے:روس

?️ 6 مئی 2022سچ خبریں:اقوام متحدہ میں روسی مندوب کا کہنا ہے کہ یوکرین جنگ

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے