بی ایف بائیو سائنسز کے شیئرزکی بولی آج سے شروع گی‘کمپنی حصص سے 1.93 بلین جمع کرنے کا تخمینہ رکھتی ہے. ترجمان

?️ 25 ستمبر 2024

کراچی: (سچ خبریں) بی ایف بائیو سائنسز کے آئی پی او کا بک بلڈنگ مرحلہ 25 اور 26 ستمبر کو منعقد ہوگا جس میں اعلیٰ مالیت والے افراد اور ادارہ جاتی سرمایہ کار ایشو سائز کا 100 فیصد سبسکرائب کریں گے.

بی ایف بائیو سائنسز پاکستان میں بائیوٹیک فارماسیوٹیکل سیکٹر میں ایک راہنما ادارہ ہے جو اپنی اہم مصنوعات کی لائنوں کو بڑھانے اور برآمدی سرٹیفیکیشن حاصل کرنے کے لیے 1.38 سے 1.93 بلین روپے کے درمیان ریونیواکھٹا کرتا ہے کمپنی کے 100 فیصد بک بلڈنگ کے عمل کے ذریعے ایشو کی منزل کی قیمت 55 روپے فی شیئر مقرر کی گئی ہے.

کمپنی کے ترجمان کے مطابق ان سبسکرائب شدہ حصص اور عام سبسکرپشن والے حصے کو بک بلڈنگ والے حصے کے کامیاب بولی دہندگان کو تناسب کی بنیاد پر مختص کیا جائے گا جاری کنندہ کیپیکس اور ورکنگ کیپیٹل کی ضروریات کے لیے اپنی اضافی ضروریات کا انتظام کرنے کے لیے منزل کی قیمت سے اوپر اٹھائے گئے کسی بھی اضافی فنڈز کا استعمال کرے گا. بی ایف بائیو سائنسزکے تخمنیے کے مطابق آئی پی او کی زیادہ سے زیادہ اسٹرائیک پرائس 77 روپے فی حصص تک بڑھ سکتی ہے جس سے اکٹھے ہونے والے فنڈز میں 1.93 بلین روپے کا اضافہ ہو جائے گا.

اس اسٹریٹجک اقدام سے توقع ہے کہ کمپنی کی ٹاپ لائن اور منافع دونوں میں نمایاں اضافہ ہوگا کیونکہ کمپنی نے پہلے ہی براو¿ن فیلڈ کی توسیع مکمل کر لی ہے اورآئی پی او کمپنی کو مذکورہ توسیع کی ورکنگ کیپیٹل کی ضروریات کا انتظام کرنے میں بھی مدد دے گا کمپنی کی جانب سے عارف حبیب لمیٹڈ کو شیئرمارکیٹ میں بروکرمقرر کیا گیا ہے. واضح رہے کہ بی ایف بی پاکستان کے قدیمی کاروباری ادارے ”فیروزسنز“کی ذیلی کمپنی ہے جو پبلشنگ اور فارمیسی کے شعبہ میں نمایاں مقام رکھتا ہے بی ایف بائیو سائنس فیروزسن لیبارٹریز لمیٹڈ اور ارجنٹائن کے باگو گروپ کے درمیان ایک اہم مشترکہ منصوبہ ہے جس کی بنیاد 2006 میں پاکستان کی پہلی سی جی ایم پی بائیوٹیک فارمولیشن کمپنی کے طور پر رکھی گئی تھی‘بی ایف یو امریکا کی عالمی بائیو سائنس کمپنی ”گیلیڈ سائنسز“کے شراکت دار اور لائنس ہولڈرکے طور پر بھی کام کررہا ہے.