?️
اسلام آباد:(سچ خبریں) مہنگائی میں نہ ختم ہونے والے اضافے کے ساتھ ساتھ بجلی کی قیمتیں مسلسل بڑھ رہی ہیں کیونکہ سابق واپڈا ڈسٹری بیوشن کمپنیوں اور کے الیکٹرک نے ملک میں گرمی کی لہر کے دوران اپنے صارفین سے تقریباً 30 ارب روپے مزید وصولی کے لیے کلیئرنس طلب کی ہے۔
اپنی الگ الگ ٹیرف درخواستوں میں، ڈسکوز جولائی کے بل میں اپنے صارفین سے 27 ارب روپے اضافی وصول کرنے کی کوشش کر رہے ہیں جبکہ کے الیکٹرک نے مئی میں استعمال ہونے والی بجلی کے لیے فیول ایڈجسٹمنٹ کی مد میں تقریباً 2.8 ارب روپے وصولی کی کوشش کی ہے، نیشنل الیکٹرک پاور ریگولیٹری اتھارٹی (نیپرا) نے متعلقہ ٹیرف کی درخواستیں منظور کرتے ہوئے 5 جولائی کو سماعت طلب کر لی ہے۔
اگر منظوری دی گئی تو ڈسکوز مقامی سستے ایندھن سے 56 فیصد سے زیادہ بجلی پیدا کرنے کے باوجود مئی میں استعمال ہونے والی بجلی پر 2.054 روپے فی یونٹ اضافی چارج کرے گا، جو اپریل کے مقابلے میں 54 فیصد سے کچھ زیادہ ہے، دوسری جانب کے الیکٹرک جولائی میں فیول ایڈجسٹمنٹ کی مد میں تقریباً 2.78 ارب روپے جمع کرنے کے لیے صارفین سے 1.495 روپے فی یونٹ اضافی لاگت وصول کر سکے گا۔
فیول ایڈجسٹمنٹ کی موجودہ درخواستوں کی ایک اہم وجہ پن بجلی کی پیداوار کی نسبتاً کم دستیابی ہے (27 فیصد باسکٹ شیئر) اور اس کے نتیجے میں مجموعی طور پر بجلی کی فراہمی میں درآمدی ایل این جی پر مبنی پیداوار کے حصے میں اضافہ ہے جس کا پیداواری لحاظ سے 24.33 فیصد کے ساتھ دوسرا نمبر ہے۔
تیسرا سب سے بڑا حصہ کوئلے پر مبنی پیداوار ہے جس سے مئی میں 16.78 فیصد بجلی پیدا ہوئی تاہم پیداوار کا یہ حصہ اپریل میں 18 فیصد کے مقابلے میں کچھ کم تھا جبکہ جوہری پیداوار اپریل میں 19 فیصد اور فروری میں 24.28 فیصد رہی اور اس کے مقابلے مئی میں یہ کم ہو کر 12.6 فیصد رہ گئی، مئی میں مجموعی قومی پاور گرڈ میں ہائیڈرو پاور جنریشن کا حصہ 26.96 فیصد رہا جو ایک ماہ قبل 24 فیصد تھا، ہائیڈرو پاور میں ایندھن کی کوئی قیمت نہیں ہے، مقامی گیس سے بجلی کی ترسیل مئی میں 10.35 فیصد رہی جو اپریل اور فروری میں بالترتیب 12 اور 11 فیصد رہی تھی۔
دلچسپ بات یہ ہے کہ فرنس آئل پر مبنی بجلی کی پیداوار میں ایندھن کی لاگت مئی میں 23.24 روپے فی یونٹ رہی اور ایل این جی پر مبنی پیداوار کی فی یونٹ ایندھن کی لاگت 24.5 روپے سے کم تھی، تاہم حکام نے ایل این جی سے 24.33 فیصد کے مقابلے فرنس آئل پر مبنی پیداوار سے صرف 1.96 فیصد حصہ پیدا کیا۔
حکومت کی جانب سے گیس کی قیمتوں میں اضافے کے سبب ڈومیسٹک گیس سے بجلی کی پیداواری لاگت مئی میں بڑھ کر 12.45 روپے فی یونٹ ہو گئی جو دو ماہ قبل 10.07 روپے فی یونٹ تھی، فرنس آئل سے پیدا ہونے والی بجلی کی لاگت تقریباً 23.24 روپے فی یونٹ رہی جو چند ماہ قبل 34 روپے فی یونٹ تھی، کوئلے پر مبنی بجلی کی پیداواری لاگت بھی ایک ماہ قبل 12.3 روپے کے مقابلے 10.5 روپے تک گر گئی۔
مشہور خبریں۔
امریکہ کو نیتن یاہو کے بارے میں عالمی عدالت انصاف کا فیصلہ کیوں قبول نہیں ؟
?️ 25 مئی 2024سچ خبریں: امریکہ نے انٹرنیشنل کریمنل کورٹ (آئی سی سی) کی جانب
مئی
صہیونیوں کی پکڑی گئی تصاویر کے اجراء پر تل ابیب کا ردعمل
?️ 29 جون 2022سچ خبریں: اسرائیلی وزیراعظم نفتالی بینیٹ نے فلسطینی استقامت کے ساتھ صہیونی
جون
اسرائیل کے شام کی سرزمین پر 9 مستقل فوجی اڈے قائم
?️ 21 مئی 2025سچ خبریں: صیہونی ریژیم کے چینل 12 کے اطلاعاتی مرکز نے منگل
مئی
لوگ ابھی بھی مری جانے سے باز نہیں آئے
?️ 11 جنوری 2022اسلام آباد (سچ خبریں) وفاقی وزیر داخلہ شیخ رشید نے کہا کہ
جنوری
سعودی عدالت میں بے عدالتی کا مظاہرہ
?️ 23 مارچ 2021سچ خبریں:عربی 21 ویب سائٹ کی رپورٹ کے مطابق انسانی حقوق کی
مارچ
آڈیو لیکس سامنے آنے کا سلسلہ جاری، پی ٹی آئی کا ایک بار پھر تحقیقات کا مطالبہ
?️ 24 اپریل 2023اسلام آباد:(سچ خبریں) پاکستان میں معروف شخصیات کی مبینہ طور پر نجی
اپریل
ٹی ایل پی اور حکومت کے درمیان معاہدے کے بعد راولپنڈی اور اسلام آباد کے راستے بحال ہو گئے
?️ 1 نومبر 2021 اسلام آباد (سچ خبریں) تفصیلات کے مطابق حکومت اور کالعدم تنظیم کے
نومبر
حکومت سے کسی کا ہاتھ نہیں ہٹا
?️ 27 دسمبر 2021کراچی(سچ خبریں) کراچی میں پریس کانفرنس کرتے ہوئے شیخ رشید نے کہا
دسمبر