بارشی پانی میں پھنسے افراد کو محفوظ مقامات پر منتقل کیا جا رہا ہے۔ مریم نواز

?️ 17 جولائی 2025

لاہور (سچ خبریں) وزیراعلی مریم نواز شریف نے کہا ہے کہ بارشی پانی میں پھنسے افراد کو محفوظ مقامات پر منتقل کیا جا رہا ہے۔

تفصیلات کے مطابق سماجی رابطے کی سائٹ ایکس پر اپنے پیغام میں وزیراعلی مریم نواز شریف کا کہنا تھا کہ بارش سے متاثرہ علاقوں میں ریسکیو آپریشنز جاری ہیں، ایئرلفٹ سے بھی شہریوں کو بچایا جا رہا ہے۔

ذرائع کے مطابق مریم نواز شریف نے کہا کہ اطمینان بخش بات ہے کہ کسی بھی قسم کی غفلت یا لاپرواہی کے باعث کوئی جانی نقصان نہیں ہوا، انتظامیہ اور ریسکیو ٹیموں کو شاباش اسی طرح محنت جاری رکھیں۔