ایف آئی اے کی بڑی کارروائی، ٹریڈنگ اور سرمایہ کاری کے نام پر 12 ارب کا فراڈ کرنےوالا گروہ گرفتار

?️ 1 مارچ 2025

ملتان: (سچ خبریں) ایف آئی اے نے بڑی کارروائی کرتے ہوئے ٹریڈنگ اور سرمایہ کاری کے نام پر 12ارب کے فراڈ کرنے والے جعل ساز گروہ کو گرفتار کرلیا ہے، زاہدصدیق نامی ملزم کوبیرون ملک فرار ہونے کی کوشش میں لاہورایئرپورٹ سے گرفتارکرلیا گیا،گرفتارملزم کی نشاندہی پر مزید 2 ملزمان کو ملتان سے گرفتارکرلیا گیا ہے،بتایا گیا ہے کہ ملزمان نے 200 سے زائد افراد سے منافع کے جھوٹے وعدے کئے تھے اور انہیں فاریکس ٹریڈنگ کے نام پر جھوٹے وعدوں کرکے مالی نقصان پہنچایا تھا۔

ایف آئی اے سائر کرائم ملتان کے مطابق ملزمان کی بینک سٹیٹمنٹس، کمپنی ریکارڈزکے علاوہ دیگر شواہد سے جعلسازی کی تصدیق ہوئی ہے۔ایف آئی اے کا کہنا ہے کہ ملزم کی نشاندہی پرمزید2ملزمان امتصال اکرم اور محمد اقبال کوماڈل ٹاون ملتان سے گرفتار کیا گیا ہے جبکہ اس غیر قانونی کارروبارمیں ملوث کمپنی کے مزید 12 ڈائریکٹرز کی ملک سے فرار ہونے کی کوشش کو روکنے کیلئے ان کے نام بھی سٹاپ لسٹ میں ڈال دئیے گئے ہیں۔

فیڈرل انوسٹی گیشن ایجنسی کا یہ بھی کہنا ہے کہ ملزمان کے دیگر ساتھیوں کی گرفتاری کیلئے چھاپہ مارکارروائیاں جاری ہیںاور ان کی تلاش کیلئے مختلف مقامات پرچھاپے مارے جارہے ہیں۔ ملزم زاہد صدیق منی لانڈرنگ اور حوالہ ہنڈی میں بھی ملوث پایا گیا ہے۔فیڈرل انوسٹی گیشن ایجنسی (ایف آئی اے )کے مطابق ملزمان نے اپنے کاروبار کو فاریکس ٹریڈنگ کے نام پر چلایااور معصوم شہریوں کوپیسوں کا لالچ دیکر اپنے جال میں پھنسایا۔

ملزمان کے قبضے سے برآمد ہونے والے موبائل ڈیوائسزاوردیگر ڈیجیٹل شواہد فرانزک تجزیے کیلئے بھجوادئیے گئے ہیں۔ایف آئی اے حکام کا یہ بھی کہنا ہے کہ ملزمان نے اپنے کاروبار کو فاریکس ٹریڈنگ کے نام پر چلایا اورملزمان کی جانب سے سادہ لوح شہریوں سے منافع کے نام پرجھوٹے وعدے کئے گئے جس سے سرمایہ کاروں کو بڑا مالی نقصان ہواہے۔