الیکشن کمیشن کا قومی اسمبلی کی 33 نشستوں پر 16 مارچ کو انتخابات کرانے کا اعلان

?️

اسلام آباد: (سچ خبریں) الیکشن کمیشن آف پاکستان  نے قومی اسمبلی کی 33 نشستوں پر ضمنی انتخابات کرانے کا شیڈول جاری کردیا۔

الیکشن کمیشن کی طرف سے جاری کردہ نوٹیفکیشن کے مطابق قومی اسمبلی کے 33 حلقوں پر 16 مارچ 2023 کو  ضمنی انتخابات ہوں گے جن کے لیے 6 فروری سے 8 فروری تک کاغذات نامزدگی وصول کیے جائیں گے۔

جن اراکین کے استعفے منظور کیے گئے ہیں ان میں مراد سعید، عمر ایوب خان، اسد قیصر، پرویز خٹک، عمران خٹک، شہریار آفریدی، علی امین خان، نور الحق قادری، راجا خرم شہزاد نواز، علی نواز اعوان، اسد عمر، صداقت علی خان، غلام سرور خان، شیخ راشد شفیق، شیخ رشید احمد، منصور حیات خان، فواد احمد، ثنااللہ خان مستی خیل، محمد حماد اظہر، شفقت محمود خان، ملک محمد عامر ڈوگر، شاہ محمود قریشی، زرتاج گل، فہیم خان، سیف الرحمٰن، عالمگیر خان، علی حیدر زیدی، آفتاب حسین صادق، عطااللہ، آفتاب جہانگیر، محمد اسلم خان، نجیب ہارون اور محمد قاسم خان سوری شامل تھے۔

اس کے علاوہ خواتین کی مخصوص نشستوں پر منتخب عالیہ حمزہ ملک اور کنول شوزب کے استعفے بھی منظور کر لیے گئے تھے۔

الیکشن کمیشن کی طرف سے جن حلقوں پر انتخابات کرانے کا نوٹی فکیشن جاری کیا گیا ہے ان میں یہ شامل ہیں۔

  • این اے 04 سوات 3
  • این اے 17 ہری پور 1
  • این اے 18 سوابی 1
  • این اے 25 نوشہرہ 1
  • این اے 26 نوشہرہ 2
  • این اے 32 کوہاٹ
  • این اے 38 ڈی آئی خان 1
  • این اے 43 خیبر 1
  • این اے 52 اسلام آباد 1
  • این اے 53 اسلام آباد 2
  • این اے 54 اسلام آباد 3
  • این اے 57 راولپنڈی 1
  • این اے 59 راولپنڈی 3
  • این اے 60 راولپنڈی 4
  • این اے 62 راولپنڈی 6
  • این اے 63 راولپنڈی7
  • این اے 76 جہلم 2
  • این اے 97 بھکر 1
  • این اے 126 لاہور 4
  • این اے 130 لاہور 8
  • این اے 155 ملتان 2
  • این اے 156 ملتان 3
  • این اے 191 ڈیرہ غازی خان 3
  • این اے 241 کورنگی کراچی 3
  • این اے 242 کراچی ایسٹ 1
  • این اے 243 کراچی ایسٹ 2
  • این اے 244 کراچی ایسٹ 3
  • این اے 247 کراچی ساؤتھ 2
  • این اے 250 کراچی ویسٹ 3
  • این اے 252 کراچی ویسٹ 5
  • این اے 254 کراچی سینٹرل 2
  • این اے 256 کراچی سینٹرل 4
  • این اے 265 کوئیٹہ 2

خیال رہے کہ 17 جنوری کو اسپیکر قومی اسمبلی راجا پرویز اشرف نے تحریک انصاف کے 34 اراکین اسمبلی کے استعفے منظور کیے تھے۔

اسپیکر کی جانب سے جن اراکین کے استعفے منظور کیے گئے تھے ان میں 33 ارکان کے ساتھ ساتھ خواتین کی مخصوص نشستوں پر منتخب اراکین بھی شامل تھیں۔

اسپیکر قومی اسمبلی راجا پرویز اشرف کی جانب سے استعفے منظوری کے بعد الیکشن کمیشن آف پاکستان نے 35 اراکین قومی اسمبلی کو ڈی نوٹیفائی کر دیا تھا۔

بعدازاں اسپیکر قومی اسمبلی راجا پرویز اشرف نے پاکستان تحریک انصاف کے مزید 34 اراکین اسمبلی کے استعفے منظور کرنے کے تین روز بعد ہی 20 جنوری کو پی ٹی آئی کے مزید 35 اراکین کے استعفے منظور کرلیے جب کہ الیکشن کمیشن کی جانب سے فوری طور پر انہیں ڈی نوٹیفائی کردیا گیا تھا۔

پی ٹی آئی کے اراکین اسمبلی نے 11 اپریل 2022 کو پارلیمنٹ میں اعتماد کے ووٹ کے ذریعے پی ٹی آئی کے سربراہ عمران خان کو وزیر اعظم کے عہدے سے ہٹائے جانے کے بعد اپنے استعفے جمع کرائے تھے۔

اسمبلی سے بڑے پیمانے پر مستعفی ہونے کے فیصلے کا اعلان پی ٹی آئی کے وائس چیئرمین شاہ محمود قریشی نے 11 اپریل کو وزیر اعظم شہباز شریف کے انتخاب سے چند منٹ قبل اسمبلی کے فلور پر کیا تھا۔

مشہور خبریں۔

علی امین گنڈا پور کے کالا باغ ڈیم بنانے کی بات سے متفق ہوں، وزیراطلاعات پنجاب

?️ 2 ستمبر 2025لاہور: (سچ خبریں) وزیر اطلاعات و ثقافت پنجاب عظمیٰ بخاری نے کہا

نیتن یاہو فلسطینیوں کا خون بہا کر خود کو بچانا چاہتا ہے: فلسطینی وزارت خارجہ

?️ 13 جون 2021غزہ (سچ خبریں) فلسطینی وزارت خارجہ نے ہفتے کی شب ایک بیان میں

بیلجیئم نے 2 اسرائیلی فوجیوں کا مقدمہ بین الاقوامی فوجداری عدالت میں بھیجا

?️ 31 جولائی 2025سچ خبریں: بلجیم کی پبلک پروسیکیوشن آفس نے اعلان کیا ہے کہ انہوں

خطہ میں مزاحمتی محاذ کا مقام

?️ 6 اگست 2023سچ خبریں: فلسطینی اتھارٹی تحریک کے امریکہ کے بجائے مشرق کی طرف

جنگ بندی اسرائیل کے لیے حماس کی سرنگوں کی تباہی کا سنہری موقع

?️ 15 دسمبر 2025 جنگ بندی اسرائیل کے لیے حماس کی سرنگوں کی تباہی کا

غزہ میں جنگ بندی کی مسلسل خلاف ورزی 

?️ 29 جنوری 2026غزہ میں جنگ بندی کی مسلسل خلاف ورزی  غزہ کی پٹی میں

کیف دوبارہ جنگ جاری رکھنے کے قابل نہیں

?️ 22 جنوری 2024سچ خبریں:یوکرین کی وزارت دفاع  نے اس بات کی طرف اشارہ کرتے

جرمنی میں حکومت کے خلاف زبردست مظاہرے

?️ 9 اکتوبر 2022سچ خبریں:جرمنی کے چانسلر اولاف شولٹز کی حکومت کی توانائی پالیسی کے

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے