آئی ایم ایف کا شہباز حکومت سے ایک اور مطالبہ

?️ 14 ستمبر 2022

اسلام آباد:(سچ خبریں) آئی ایم ایف نے شہباز حکومت کے سامنے ایک اور شرط رکھ دی۔اے نجی ٹی وی کی رپورٹ کے مطابق آئی ایم ایف کی ایک اور شرط سامنے آ گئی۔

ذرائع کے مطابق آئی ایم ایف نے مطالبہ کیا کہ سردیاں آنے سے پہلے گیس ٹیرف میں اضافہ کیا جائے گا۔اس سلسلے میں حکومت نے عالمی مالیاتی فنڈ سے مہلت مانگ لی ہے۔گیس ٹیرف میں اضافے سے 786 ارب وصولی کا امکان ہے۔

666 ارب کے ہدف کی نسبت 120 ارب اضافی آمدن کا تخمینہ ہے۔گیس ٹیرف میں 45 سے 53 فیصد تک اضافہ ہو سکتا ہے۔حکومت نے آئی ایم ایف کو یقین دہانی کرائی ہے کہ چھوٹے صارفین کم سے کم بوجھ ڈالا جائے گا۔حکام کے مطابق اوگرا میں ترامیم کے مطابق نئے گیس کا تعین ہو گا۔گیس ٹیرف کے ازسر نو تعین کے لیے مزید وقت درکار ہے،قیمتوں سے حالیہ آمدنی گردشی قرضے پر خرچ کی جائے گی۔

خیال رہے کہ چئیرمین پی ٹی آئی عمران خان بھی خبردار کر چکے ہیں کہ عالمی ادارہ کے مطابق سردیوں میں گیس کی قیمت 250 فیصد بڑھنے والی ہے۔دوسری جانب سوئی گیس کے نئے کینیکشنز پر پابندی ختم کرنے کے مطالبے کی قرارداد پنجاب اسمبلی میں جمع کروادی ۔مسلم لیگ (ن)کی رکن سمیرا کومل کی جانب سے جمع کرائی گئی قرارداد کے متن میں کہاگیا کہ لاہور سمیت صوبے بھر میں سوئی گیس کے اصول کیلئے ہزاروں دفاتر کے دھکے کھانے پر مجبور ہیں۔

شہری ہر روز درخواستیں لے کر دربدر کی ٹھکریں کھارہے ہیں۔ وفاقی حکومت کی جانب سے نئے کینیکشنز پر پابندی سے شہریوں میں بے چینی پائی جا رہی ہے۔عرصہ دراز سے ہزاروں شہریوں کی درخواستیں التواکا شکار ہیں۔ قرار داد میں مطالبہ کیاگیا کہ سوئی گیس کے نئے کنیکشنز پر پابندی ختم کی جائے۔وزیراعظم شہبازشریف سوئی گیس کے نئے کینیکشنز کی بحالی کے احکامات جاری کریں۔