واٹس ایپ نے صارفین کے لیے منفرد سہولت پر شروع کیا کام

?️ 19 فروری 2021

سان فرانسسکو {سچ خبریں} دنیا میں سب سے زیادہ استعمال ہونے والے سوشل میڈیا ایپلیکیشن واٹس ایپ نے اپنے صارفین کے لیے ایک اور منفرد فیچر متعارف کرانے کا فیصلہ کیا ہے۔

واٹس ایپ پر نظر رکھنے والے ادارے ڈبلیو اے بیٹا انفو کی رپورٹ کے مطابق واٹس ایپ صارفین کو ایک نئی سہولت فراہم کرنے پر کام شروع کردیا ہے۔

فیس بک کی زیرملکیت موبائل ایپلیکیشن واٹس ایپ نے ’سائن آؤٹ‘ فیچر پر کام شروع کیا ہے جس کے تحت صارف اپنی مرضی سے جہاں سے بھی چاہیے گا اکاؤنٹ کو لاگ آؤٹ کرسکے گا۔

لاگ آؤٹ کے بعد موبائل یا کمپیوٹر پر اس کی رسائی ختم ہوجائے گی اور پھر یہ دوبارہ آئی ڈی کی طرح لاگ ان کیا جاسکے گا۔

صرف 40 سیکنڈ کی ضرورت زمین کی ارضیاتی تاریخ کو دیکھنے میں

واٹس ایپ نے اس فیچر کی آزمائش شروع کردی ہے، جس کو کامیابی کے بعد دنیا بھر میں آئی او ایس اور اینڈرائیڈ آپریٹنگ سسٹم استعمال کرنے والے صارفین کے لیے پیش کیا جائے گا۔

اس وقت واٹس ایپ کے صارف کو اکاؤنٹ بند کرنے کے لیے اپنے موبائل سے ایپلیکیشن کو انسٹال یا اسے ڈیلیٹ کرنا پڑتا ہے، سائن آؤٹ فیچر آنے کے بعد صارف وقفے کے لیے صرف ایک بٹن کا استعمال کرے گا۔

ویب بیٹا انفو کی رپورٹ کے مطابق اس فیچر کے متعارف ہونے کے بعد صارف ایک اکاؤنٹ کو 4 مختلف ڈیوائسز پر باآسانی استعمال کرسکے گا، جس کے لیے اُسے بس انٹرنیٹ کی ضرورت درکار ہوگی۔