واٹس ایپ کا اب کون سا نیا فیچر آنے والا ہے؟

فیچر

?️

سچ خبریں: دنیا کی سب سے بڑی انسٹنٹ میسیجنگ ایپلی کیشن واٹس ایپ پر اب تک کا سب سے منفرد فیچر پیش کیے جانے کا امکان ہے، جس کے تحت صارفین ٹیلی گرام اور سگنل جیسی ایپس پر بھی میسیجز بھیج سکیں گے۔

اس وقت مذکورہ تینوں ایپلی کیشنز سمیت کوئی بھی ایسی ایپ نہیں ہے جو یہ سہولت فراہم کرتی ہو لیکن ممکنہ طور پر آئندہ سال تک تمام ایپس ایسی سہولت پیش کریں گی۔

جی ہاں، یورپین یونین (ای یو) کی جانب سے پاس کیے گئے ڈیجیٹل مارکیٹ ایکٹ (ڈی ایم اے) کے تحت واٹس ایپ سمیت دیگر پلیٹ فارمز ایسی سہولت پیش کرنے کے پابند ہیں،جس کے تحت کوئی بھی صارف ایک ایپ سے کسی بھی دوسری ایپ میں اکاؤنٹ کے بغیر میسیج بھیج سکے۔

یہ بھی پڑھیں: واٹس ایپ کا ایک اور فیچر لانچ

اسی حوالے سے واٹس ایپ نئے فیچر کو پیش کرنے پر کام کر رہا ہے اور ممکنہ طور پر اگلے 6 ماہ میں نیا فیچر پیش کردیا جائے گا۔

واٹس ایپ کی اپڈیٹس پر نظر رکھنے والی ویب سائٹ ویب ایٹ انفو کے مطابق واٹس ایپ کے ماہرین کراس پلیٹ فارم فیچر بنانے میں مصروف ہیں، جس کے تحت کوئی بھی واٹس ایپ صارف اکاؤنٹ نہ ہونے کے باوجود ٹیلی گرام یا سگنل پر میسیج بھیج سکے گا۔

اسی طرح مذکورہ فیچر کے تحت کوئی بھی ٹیلی گرام یا سگنل جیسی ایپ کا صارف واٹس ایپ اکاؤںٹ نہ ہونے کے باوجود وہاں سے میسیج بھیج سکے گا۔

یورپین یونین کے قانون کے مطابق تمام میسیجنگ اور انٹرنیٹ ایپلی کیشنز 2024 کے اختتام تک ہر حال میں ایسی سہولیات پیش کرنے کی پابند ہیں۔

مذکورہ سہولت کے تحت کوئی بھی صارف کسی ایک ایپلی کیشن پر اکاؤنٹ بنانے کے بعد کسی ایسی ایپ پر بھی میسیج بھیجنے کے اہل ہوگا، جس پر ان کا اکاؤنٹ نہیں ہوگا۔

خیال کیا جا رہا ہے کہ واٹس ایپ مذکورہ فیچر کی آزمائش کو آئندہ چند ماہ میں شروع کرے گا اور ممکنہ طور پر فیچر کو 6 ماہ کے اندر ہی پیش کردیا جائے گا لیکن اس حوالے سے کچھ بھی کہنا قبل از وقت ہے۔

مزید پڑھیں: واٹس ایپ کا اب تک کا سب سے بڑا اور اہم فیچر پیش

ابتدائی طور پر مذکورہ فیچر کو صرف یورپین یونین کے ممالک میں پیش کیا جائے گا، تاہم بعد ازاں اسے ترتیب وار دیگر ممالک میں بھی وسعت دیے جانے کا امکان ہے۔

اگر مذکورہ فیچر واٹس ایپ پر متعارف کرایا گیا تو یہ اب تک کا واٹس ایپ کا سب سے منفرد فیچر ہوگا۔

مشہور خبریں۔

ایران کے خلاف مزید پابندیوں کی تلاش میں ہیں:جرمن چانسلر

?️ 1 نومبر 2022سچ خبریں:جرمنی کے چانسلر نے اپنے ایک خطاب میں دعویٰ کیا کہ

خوشی ہوتی ہے کہ خود کو پاکستانی کہنے کے قابل ہیں: مہوش حیات

?️ 24 مارچ 2021کراچی ( سچ خبریں) پاکستان کی معروف اداکارہ مہوش حیات اداکارہ نے

روسی باغی کون ہیں؟

?️ 24 جون 2023سچ خبریں:ویگنرز ایک پرائیویٹ آرمی ایک نجی کمپنی ہے جس کا روسی

اقوام متحدہ موسمیاتی کانفرنس: ریاستوں پر حیاتیاتی ایندھن کا استعمال مرحلہ وار ختم کرنے پر زور

?️ 30 نومبر 2023اسلام آباد: (سچ خبریں) دبئی میں اقوام متحدہ کی موسمیاتی کانفرنس کا

کراچی شیر شاہ دھماکے کی بم ڈسپوزل اسکواڈ نے ابتدائی رپورٹ سامنے آگئی

?️ 18 دسمبر 2021کراچی (سچ خبریں) کراچی شیر شاہ دھماکے کی بم ڈسپوزل اسکواڈ نے

یاسمین راشد کی طبیعت شدید ناساز، ہسپتال منتقل کردیا گیا

?️ 18 اپریل 2024لاہور: (سچ خبریں) پاکستان تحریک انصاف کی رہنما اور سابق صوبائی وزیر

کوویکس کا پاکستان کو آسٹرازنیکا ویکسین فراہم کرنے کا فیصلہ

?️ 16 جولائی 2021اسلام آباد(سچ خبریں) کوویکس نے پاکستان کو کورونا ویکسین کی کھیپ فراہم

اقوام متحدہ کی کمیٹی نے عام شہریوں کے فوجی ٹرائل کی مخالفت کردی

?️ 8 نومبر 2024اسلام آباد: (سچ خبریں) اقوام متحدہ کی انسانی حقوق کی کمیٹی نے

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے