فلسطینی قیدیوں کے ساتھ صہیونیوں کی بچگانہ حرکت تنقید کا باعث 

سچ خبریں:صہیونی ریاست کے جیل حکام کی جانب سے فلسطینی قیدیوں کو رہا کرنے سے پہلے ان کے ساتھ ایسی بچگانہ حرکت کی جو تنقید کا باعث بنی ہے۔  

رشیا ٹوڈے کی رپورٹ کے مطابق صہیونی ریاست کے جیل حکام نے کل رہا ہونے والے فلسطینی قیدیوں کو مجبور کیا گیا کہ وہ ستارہ داؤد اور جملہ نہ ہم بھولیں گے، نہ معاف کریں گے کے نشان والے کپڑے پہنیں، اس اقدام نے مقبوضہ علاقوں کے اندر اور باہر وسیع پیمانے پر تنقید کو جنم دیا ہے۔

یہ بھی پڑھیں: 18 بار عمر قید کی سزا سنائے جانے والے فلسطینی قیدی کی منگنی کی کہانی

صہیونی قلمکار عیناف شیو نے یدیعوت احرونٹ اخبار میں شائع ہونے والے اپنے کالم میں زور دیا کہ یہ اقدام صرف ایک بچگانہ حرکت ہے جو ہمیں بین الاقوامی برادری سے مزید دور کر دے گی۔

انہوں نے مزید کہا کہ ایسی حرکتوں کا الٹا اثر ہو سکتا ہے اور ہم عوامی رائے کو اپنی طرف موڑنے کی جنگ میں ناکام ہو سکتے ہیں۔

ایک اور صہیونی تجزیہ کار شلی یحیموویچ نے بھی زور دیا کہ آج کے بعد یہ کپڑے ہمارے لیے رہا ہونے والے فلسطینی قیدیوں کی طرف سے مذاق کا باعث بنیں گے۔

رہا ہونے والے فلسطینی قیدیوں نے غزہ کے خان یونس ہسپتال پہنچتے ہی ان کپڑوں کو اتار کر آگ لگا دی۔

مزید پڑھیں: 6 سال قید تنہائی میں رہنے والے فلسطینی قیدی کی کہانی

صہیونی ریاست کے ریڈیو اور ٹیلی ویژن ادارے نے تسلیم کیا کہ ان کپڑوں کی تصاویر کی اشاعت نے مقبوضہ علاقوں کے اندر تنقید کی لہر پیدا کر دی ہے۔