صیہونیوں نے ٹرمپ سے کئی بار مدد مانگی؛امریکی ویب سائٹ 

سچ خبریں:امریکی خبری ویب سائٹ آکسیوس نے انکشاف کیا ہے کہ تل ابیب نے گزشتہ 48 گھنٹوں کے دوران بارہا صدر ڈونلڈ ٹرمپ سے ایران پر حملے میں شامل ہونے کی درخواست کی، تاہم واشنگٹن فی الحال براہ راست مداخلت پر آمادہ نہیں۔

امریکی نیوز ویب سائٹ آکسیوس نے انکشاف کیا ہے کہ تل ابیب نے گزشتہ 48 گھنٹوں کے دوران متعدد بار امریکی صدر ڈونلڈ ٹرمپ سے درخواست کی ہے کہ وہ اسرائیل کے ساتھ مل کر ایران کے جوہری پروگرام پر حملہ کرے۔

یہ بھی پڑھیں:برطانوی انسانی حقوق کی تنظیموں کی جانب سے اسرائیل کے ایران پر حملے کی شدید مذمت 

یہ رپورٹ روسی نیوز ایجنسی تاس کے توسط سے نشر ہوئی، جس میں آکسیوس نے دو صہیونی حکام کے حوالے سے بتایا کہ تل ابیب نے گزشتہ دو دنوں میں کئی بار صدر ٹرمپ سے براہ راست درخواست کی ہے کہ وہ اسرائیل کے فوجی حملوں میں شریک ہوں۔

آکسیوس کے مطابق، ایک صہیونی ذریعے نے دعویٰ کیا کہ ٹرمپ نے حالیہ بات چیت میں نیتن یاہو سے کہا کہ اگر ضرورت محسوس ہوئی، تو میں (ٹرمپ) ضرور کارروائی میں شامل ہوں گا۔

اسی صہیونی ذریعے نے مزید کہا کہ واشنگٹن اس وقت اس مطالبے کا جائزہ لے رہا ہے اور تل ابیب کو امید ہے کہ امریکہ آخرکار اس درخواست کو قبول کرے گا۔

دوسری جانب، ایک امریکی ذریعے کے حوالے سے آکسیوس نے بتایا کہ تل ابیب نے وائٹ ہاؤس سے باضابطہ طور پر ایران پر حملوں میں شمولیت کی درخواست کی ہے، لیکن فی الحال امریکی حکومت براہ راست مداخلت پر غور نہیں کر رہی۔

یہ بیانات اس وقت سامنے آئے جب اسرائیل نے جمعہ  کو تہران اور دیگر ایرانی شہروں پر حملے کیے، جن میں فوجی کمانڈرز، سائنسدان اور عام شہری شہید ہوئے۔

اس کے بعد، ایران نے وعدہ صادق 3۳ آپریشن کے دوسرے مرحلے کے تیسرے موج میں درجنوں میزائل اور ڈرونز اسرائیلی اہداف پر داغے، جنہوں نے صہیونی دفاعی نظام کو عبور کر کے اہم فوجی تنصیبات کو نشانہ بنایا۔ یہ حملہ عید غدیر کی شب کو انجام دیا گیا اور یا علی ابن ابی طالبؑ کا رمز استعمال کیا گیا۔

مزید پڑھیں:اسرائیلی حملے کی مذمت کرنے والے ممالک 

ایرانی حکام نے واضح کیا تھا کہ صہیونی مہم جوئی کا بھرپور اور فوری جواب دیا جائے گا،یہ حملہ اسی عزم کا عملی اظہار تھا، جس کے تحت درجنوں بیلسٹک میزائل مقبوضہ علاقوں پر داغے گئے۔