صیہونی حکام کو پوپ فرانسس کے جنازے میں شریک نہیں ہونا چاہیے؛سابق اسرائیلی سفیر کا مطالبہ 

سچ خبریں:صہیونی حکومت کے سابق سفیر درور ایدار نے پوپ فرانسس کے غزہ جنگ کے خلاف موقف پر سخت ردعمل ظاہر کرتے ہوئے کہا ہے کہ اسرائیل کو ان کے جنازے میں شرکت نہیں کرنی چاہیے۔

 الجزیرہ نیوز چینل کی رپورٹ کے مطابق اٹلی میں اسرائیل کے سابق سفیر صہیونی حکومت کے سابق سفیر درور ایدار نے کہا کہ تل ابیب کو کسی نمائندے کو واٹیکان بھیجنے سے گریز کرنا چاہیے۔

یہ بھی پڑھیں: پوپ نے غزہ میں صیہونی حکومت کی جارحیت کو دہشت گردانہ کارروائی قرار دیا

درور ایدار نے الزام عائد کیا کہ پوپ فرانسس یہودی مخالف تھے اور انہوں نے جنگ غزہ کے دوران اسرائیل کو نسل کشی کا مرتکب قرار دیا جبکہ صہیونی ریاست کے حق میں صرف چند رسمی جملے کہے۔

یہ بیان اس وقت سامنے آیا ہے جب پاپ فرانسس گزشتہ روز 88 برس کی عمر میں انتقال کر گئے، ان کی وفات کے بعد دنیا بھر میں کیتھولک برادری اور امن پسند حلقے ان کے انسان دوست، انصاف پسند اور جنگ مخالف بیانیے کو خراجِ عقیدت پیش کر رہے ہیں۔

مزید پڑھیں: دینی رہبروں کو فلسطنیوں پر ہونے والے ظلم کے خلاف آگے آنا چاہیے؛پوپ فرانسس اور آیت اللہ سیستانی کی ملاقات کے بعد بیانیہ

تاہم، پوپ کے فلسطینیوں کے حق میں بیانات اور اسرائیلی جارحیت پر تنقید کو لے کر صہیونی حلقوں میں ناراضی کی فضا ہے، جس کا اظہار سابق سفیر کے اس بیان سے بخوبی ہو رہا ہے۔