صیہونی انتہا پسندوں کی مسجد الاقصی میں کنیسہ بنانے کی کوششیں تیز

?️ 17 جون 2026

سچ خبریں:صیہونی انتہا پسند شخصیات کی جانب سے مسجد الاقصی کے اندر کنیسہ بنانے کی کوششوں میں اضافہ ہوا ہے جبکہ عرب و اسلامی ممالک نے ان اقدامات کو مقدسات کے خلاف سنگین اشتعال انگیزی قرار دیا ہے۔

شهاب خبر رساں ایجنسی کی رپورٹ کے مطابقصہیونی شہر صفد کے انتہا پسند مذہبی رہنما شموئل الیاهو مسجد الاقصی کے اندر کنیسہ بنانے کی اپنی مہم جاری رکھے ہوئے ہیں اور انہوں نے دعویٰ کیا ہے کہ یہ اقدام معبد کی تعمیر کی ابتدا ہوگا۔

صیہونی کابینہ کے انتہائی دائیں بازو سے تعلق رکھنے والے وزیر برائے قومی سلامتی ایتمار بن گویر نے بھی اس منصوبے کی حمایت کرتے ہوئے کہا ہے کہ جلد وہاں کنیسہ موجود ہوگا۔

یہ بیانات ایسے وقت سامنے آئے ہیں جب مسجد الاقصی کے اندر صہیونی اقدامات میں تیزی دیکھی جا رہی ہے اور اس مقام کے تاریخی و قانونی اسٹیٹس کو تبدیل کرنے کے خدشات میں اضافہ ہو رہا ہے، جس سے مقبوضہ القدس میں اسلامی مقدسات کے حوالے سے کشیدگی بڑھ رہی ہے۔

اسی دوران آٹھ عرب و اسلامی ممالک نے ایک مشترکہ بیان میں مسجد الاقصی پر صہیونی آبادکاروں کے مسلسل دھاووں اور اس کے صحنوں میں صیہونی پرچم لہرانے کی شدید مذمت کی ہے۔

گزشتہ برسوں کے دوران اسرائیل نے مشرقی القدس کو یہودیانے کی کوششیں تیز کر دی ہیں، جن میں مسجد الاقصی سمیت شہر کی اسلامی و عرب شناخت کو تبدیل کرنے کی کوششیں شامل ہیں۔

بین الاقوامی قراردادوں کے مطابق مشرقی القدس کو ایک آزاد فلسطینی ریاست کا دارالحکومت ہونا چاہیے، اور 1967 میں صیہونی قبضے اور 1980 میں اس کے الحاق کو عالمی سطح پر تسلیم نہیں کیا جاتا۔