سئوتا مہاجرین بحران میں صیہونی عناصر ملوث: اسپین کے وزیر اعظم

?️ 31 اگست 2026

سچ خبریں:اسپین کے وزیر اعظم پیڈرو سانچیز نے کہا ہے کہ سئوتا میں مہاجرین کا بحران صیہونی سوشل میڈیا مہم کے بعد شروع ہوا اور یورپی کمیشن کی معلومات میں صیہونی فریقوں کے ملوث ہونے کا اشارہ ملتا ہے۔

اسپین کے وزیر اعظم نے اپنے ملک میں پیدا ہونے والے مہاجرین کے بحران میں صہیونی حکومت کے ملوث ہونے کی جانب اشارہ کیا ہے۔

المیادین کے مطابق، اسپین کے وزیر اعظم پیڈرو سانچیز نے ایک پریس گفتگو میں کہا کہ مراکش کی جانب سے پیدا ہونے والا مہاجرین کا بحران سوشل میڈیا پر صیہونی صفحات کی جانب سے ایک وسیع میڈیا مہم کے ساتھ شروع ہوا۔

انہوں نے مزید کہا کہ غزہ میں جاری نسل کشی کے حوالے سے اسپین کی حکومت کے مؤقف کی وجہ سے یورپ کی دائیں بازو کی جماعتوں نے اسپین کے خلاف شدید میڈیا مہم شروع کی۔

سانچیز نے واضح کیا کہ یورپی کمیشن کی جانب سے جاری کردہ معلومات سے ظاہر ہوتا ہے کہ صیہونی فریق سئوتا میں پیدا ہونے والے مہاجرین کے بحران میں ملوث رہے ہیں۔

انہوں نے سوال اٹھایا: کیا واقعی اسرائیل کو اسپین میں مہاجرین کے مسئلے سے اس قدر دلچسپی ہے، یا پھر وہ غزہ میں جاری نسل کشی کے حوالے سے اسپین کے مؤقف کے خلاف کارروائی کر رہا ہے؟

واضح رہے کہ گزشتہ ماہ کے اواخر میں شمالی افریقہ میں مراکش کی سرحد سے متصل اسپین کے زیر انتظام شہر سئوتا میں مہاجرین کی بڑے پیمانے پر آمد ہوئی تھی۔ اسپین کی وزارت داخلہ کے مطابق، اس کے بعد سے تقریباً 72 ہزار افراد اس شہر میں داخل ہوئے، جن میں سے بیشتر واپس مراکش چلے گئے۔

اس سے قبل اسپین کے ماہر انریکے آریاس خیل نے بھی کہا تھا کہ سئوتا میں مہاجرین کی آمد کا بحران امریکہ اور صہیونی حکومت کی جانب سے پیدا کیا گیا تھا اور انہوں نے فلسطین کی حمایت کرنے پر میڈرڈ سے انتقام لینے کا فیصلہ کیا تھا۔