غزہ میں صیہونی حملے جاری، مزید 12 فلسطینی شہید

?️ 5 جون 2026

سچ خبریں:غزہ پر صیہونی فضائی اور توپخانے کے حملوں میں مزید 12 فلسطینی شہید ہو گئے۔ مختلف علاقوں میں رہائشی عمارتوں اور شہری مقامات کو نشانہ بنایا گیا جس کے نتیجے میں متعدد افراد زخمی بھی ہوئے۔

فلسطینی اطلاعاتی مرکز کی رپورٹ کے مطابق جمعرات کی صبح سے غزہ کے مختلف علاقوں پر صیہونی حکومت کے حملوں کے نتیجے میں 12 فلسطینی شہید ہو گئے۔

غزہ شہر کے علاقے الشعبیہ کے قریب واقع اسلیم اسٹیشن میں ایک کمرے پر صیہونی فضائی حملے میں ایک فلسطینی شہری شہید اور تین افراد زخمی ہوئے۔

اسی طرح جمعرات کی صبح صیہونی فضائی حملوں میں غزہ شہر کے مغربی اور جنوبی علاقوں میں چار رہائشی اپارٹمنٹس کو نشانہ بنایا گیا، جس کے نتیجے میں 10 فلسطینی شہید اور متعدد زخمی ہوئے۔

مزید برآں جمعرات کے روز صیہونی توپ خانے نے غزہ شہر کے مشرقی علاقوں اور خان یونس کے مشرقی حصے کو نشانہ بنایا، جبکہ خان یونس کے مرکز پر ڈرون حملے میں کئی شہری زخمی ہوئے۔

دوسری جانب 34 سالہ فلسطینی شہری عبدالرحمن شعث صیہونی حملے میں زخمی ہونے کے بعد دم توڑ گئے۔ ان کی شہادت کے بعد جمعرات کے روز شہداء کی مجموعی تعداد 12 تک پہنچ گئی۔