صیہونی فوج نے غزہ میں انسانی امداد لینے والے فلسطینیوں کو گولیوں سے بھون ڈالا؛سی این این کی تصدیق

?️ 6 جون 2025

سچ خبریں:امریکی چینل CNN کی تحقیقات سے انکشاف ہوا ہے کہ صیہونی فوج نے غزہ کے تل السلطان علاقے میں امدادی اشیاء لینے والے فلسطینیوں پر گولیاں برسائیں، جس کے نتیجے میں درجنوں افراد شہید و زخمی ہوئے۔ یہ جرم تصویری شواہد کے ساتھ منظر عام پر آیا ہے۔

امریکی نشریاتی ادارے CNN نے اسرائیلی جارحیت کے ایک اہم انکشاف کیا ہے،اس کی میدانی تحقیقاتی رپورٹ کے مطابق، اسرائیلی فوج نے غزہ کے مغربی علاقے رفح کے مقام تل السلطان میں ان فلسطینیوں پر براہِ راست فائرنگ کی جو انسانی امداد وصول کرنے کے لیے وہاں موجود تھے۔

یہ بھی پڑھیں:300 برطانوی شخصیات نے غزہ کی نسل کشی میں ملوث ہونے کے خاتمے کا مطالبہ کیا

رپورٹ میں یہ واضح کیا گیا ہے کہ اس مسلح حملے میں درجنوں فلسطینی شہید اور زخمی ہوئے،CNN نے موقع کی ویڈیوز اور تصاویر کی بنیاد پر یہ رپورٹ مرتب کی ہے، جو اس بات کی گواہی دیتی ہیں کہ اسرائیلی افواج نے شہریوں کو جان بوجھ کر نشانہ بنایا۔

رپورٹ میں مزید بتایا گیا ہے کہ صیہونی حکومت کے ٹینکوں نے بھی فلسطینی شہریوں پر شیلنگ کی،یہ تمام واقعات اس وقت پیش آئے جب مقامی فلسطینی باشندے خوراک، ادویات اور دیگر انسانی امداد حاصل کرنے کے لیے تل السلطان کے مقام پر موجود تھے،یہ پہلی مرتبہ نہیں کہ صیہونی فوج نے امدادی اشیاء کے حصول کے لیے جمع ہونے والے شہریوں پر فائرنگ یا بمباری کی ہو۔

مزید پڑھیں:غزہ میں نسل کشی 600 دن تک پہنچ چکی ہے۔ یہ اب 6 دن کی جنگ نہیں رہی

اس سے قبل بھی متعدد بار فلسطینیوں کے امدادی مراکز اور قافلوں کو نشانہ بنایا گیا ہے، جس کی وجہ سے اقوام متحدہ اور انسانی حقوق کی تنظیمیں مسلسل اسرائیل پر تنقید کر رہی ہیں۔