یمنیوں کا نواتیم فضائی اڈے پر ہائپرسونک میزائل سے حملہ کرنے کا اعلان

?️ 24 نومبر 2024

سچ خبریں:یمن کی مسلح افواج کے ترجمان نے ایک بیان میں اعلان کیا ہے کہ یمنی فوج نے صیہونی حکومت کے نواتیم فضائی اڈے پر میزائل حملہ کیا ہے۔

المسیرہ نیوز ایجنسی کی رپورٹ کے مطابق، یمن کی مسلح افواج کے ترجمان یحیی سریع نے مقبوضہ فلسطین پر فوج کے نئے حملے کی اطلاع دی ہے۔

یہ بھی پڑھیں: یافا اور عسقلان پر کامیاب حملے، یمنی فوج کا منفرد آپریشن

یحیی سریع نے بیان میں کہا کہ ہم نے ایک فوجی آپریشن کے دوران جنوبی مقبوضہ فلسطین کے نقب علاقے میں واقع دشمن اسرائیل کے نواتیم فضائی اڈے کو نشانہ بنایا۔

انہوں نے مزید کہا کہ یہ حملہ فلسطین ۲ ہائپرسونک بیلسٹک میزائل کے ذریعے کیا گیا اور اللہ کے فضل سے یہ آپریشن اپنے ہدف کو کامیابی سے حاصل کرنے میں کامیاب رہا۔

مزید پڑھیں: تل ابیب کے خلاف یمنی فورسز کا منفرد آپریشن

یمنی مسلح افواج کے ترجمان نے زور دیتے ہوئے کہا کہ ہمارے حملے اس وقت تک جاری رہیں گے جب تک غزہ پر جارحیت ختم نہیں ہوتی، اس کا محاصرہ ختم نہیں کیا جاتا اور لبنان پر جارحیت روک نہیں دی جاتی نیز اسی طرح بحیرہ احمر سے بھی کوئی کشتی گذر کر اسرائیل نہیں جا سکتی۔