یحیی السنوار کا سید حسن نصراللہ کے نام خط

?️ 13 ستمبر 2024

سچ خبریں: حماس کے سیاسی دفتر کے سربراہ نے حزب اللہ کے سکریٹری جنرل کو خط لکھا۔

المنار چینل کی رپورٹ کے مطابق، فلسطینی اسلامی مزاحمتی تحریک حماس کے سیاسی دفتر کے سربراہ یحیی السنوار نے حزب اللہ کے سکریٹری جنرل سید حسن نصراللہ کو خط ارسال کیا۔

یہ بھی پڑھیں: استقامتی محاذ کو مضبوط کرنے میں ایران، شام اور حزب اللہ کا اہم کردار ہے:حماس

اس خط میں السنوار نے حزب اللہ کے سکریٹری جنرل کی جانب سے شہید اسماعیل ہنیہ اور ان کے ساتھی مجاہد کی شہادت پر بھیجی گئے تعزیتی اور مبارکبادی کے خط پر شکریہ ادا کیا۔

خط میں لکھا گیا ہے کہ ہم آپ کے خالص اور بلند جذبات سے بھرپور اظہار یکجہتی پر آپ کا شکریہ ادا کرتے ہیں، یہ یکجہتی آپ کی مبارک جدوجہد اور محاذ پر مزاحمت میں شرکت اور حمایت کے عزم کی عکاسی کرتی ہے۔

حماس کے سیاسی دفتر کے سربراہ نے مزید کہا کہ ابوالعبد، ہمارے کمانڈر، جو ہماری قوم کی تاریخ کی ایک عظیم جنگ طوفان اقصی میں ہمارے ساتھ تھے، شہادت کے رتبے پر فائز ہوئے

السنوار نے کہا کہ ہمارے کمانڈر کی شہادت اس بات کا ثبوت ہے کہ ہمارے کمانڈرز اور مجاہدین کا خون ہمارے شہریوں کے خون سے زیادہ قیمتی نہیں ہے، یہ پاک خون اور شہداء کا قافلہ ہمارے عزم اور طاقت میں اضافہ کرتا ہے تاکہ ہم قابضین کا مقابلہ کرسکیں۔

حماس کے سیاسی دفتر کے سربراہ نے کہا کہ ہم اس بات پر زور دیتے ہیں کہ حماس تحریک ہمیشہ کی طرح شہداء کے خون کی وفاداری پر ثابت قدم رہے گی۔

السنوار نے مزید کہا کہ وہ بلند اصول جن کی طرف کمانڈر ہنیہ نے دوعت دی تھی، ہمیشہ باقی رہیں گے اور ہماری تحریک اور مجاہدین ان کی پیروی جاری رکھیں گے۔

حماس کے سیاسی دفتر کے سربراہ نے کہا کہ ان اصولوں میں سے جو ہمارے لئے رہنمائی کرتے ہیں، وہ فلسطینی قوم کا اتحاد اور جهاد و مزاحمت کا راستہ ہے، ان میں امت کا اتحاد اور اس کا مرکز، مزاحمتی محور، صہیونیت کے منصوبے کے خلاف سب سے آگے ہیں۔

مزید پڑھیں: حماس اور حزب اللہ کے حکام نے بیروت میں ملاقات کی

السنوار نے زور دیا کہ ہم قابضین کے اخراج اور مکمل خودمختاری کے ساتھ اپنے آزاد ملک کے قیام تک، جس کا دارالحکومت قدس ہو گا، ان اصولوں کے تحت جدوجہد جاری رکھیں گے۔