کتنے فیصد صیہونی عوام نیتن یاہو کا استعفیٰ چاہتے ہیں؟

?️ 6 مارچ 2025

سچ خبریں:ایک تازہ ترین سروے کے مطابق 60 فیصد صیہونی باشندے چاہتے ہیں کہ اسرائیلی وزیر اعظم بنیامین نیتن یاہو فوری طور پر عہدہ چھوڑ دیں۔

الجزیرہ نیوز چینل کی رپورٹ کے مطابق، اسرائیلی چینل 12 نیوز نے رپورٹ دی کہ 60 فیصد صیہونی عوام کا خیال ہے کہ نیتن یاہو کو اقتدار چھوڑ دینا چاہیے، 75 فیصد شرکاء نے مطالبہ کیا ہے کہ 7 اکتوبر 2023 کے واقعات کی باضابطہ تحقیقات کے لیے ایک کمیٹی تشکیل دی جائے۔

یہ بھی پڑھیں: سیاسی شکست کا نیا باب؛ نیتن یاہو کی کابینہ تباہی کے دھانے پر

اسرائیلی اپوزیشن لیڈر یائیر لاپڈ نے کہا کہ نیتن یاہو اپنی ناکامی کا الزام دوسروں پر ڈال رہے ہیں، جبکہ اسرائیلی قیدی اب بھی غزہ میں حماس کی قید میں ہیں،یہ وقت ہے کہ نیتن یاہو اپنی غلطی تسلیم کریں اور معافی مانگیں۔

مزید پڑھیں: نیتن یاہو کی پالیسیوں کے خلاف احتجاجاً صیہونی حکومت کے دوسرے سفیر کا استعفیٰ

اسرائیلی سیکیورٹی ایجنسی شاباک نے اپنی تحقیق میں نیتن یاہو کو طوفان الاقصیٰ آپریشن میں اسرائیلی ناکامی کا براہ راست ذمہ دار قرار دیا ہے،اس رپورٹ کے بعد نیتن یاہو پر استعفے کا دباؤ مزید بڑھ گیا ہے۔