مغربی ممالک ہمیں شکست نہیں دے سکتے:روس

سچ خبریں:روسی وزیر خارجہ سرگئی لاوروف نے کہا ہے کہ مغرب متحد ہوکر ماسکو کو اسٹریٹجک شکست دینے کی کوشش کر رہا ہے، مگر اس میں کامیاب نہیں ہوگا، انہوں نے کی‌یف میں نازی طرز حکومت کے استعمال پر بھی تنقید کی اور قرقیزستان کے ساتھ تعلقات بڑھانے پر زور دیا۔

روسی وزیر خارجہ سرگئی لاوروف نے کہا ہے کہ مغرب مکمل طور پر متحد ہوکر ماسکو کو اسٹریٹجک شکست دینے کی کوشش کر رہا ہے، تاہم اسے کامیابی حاصل نہیں ہوگی۔

یہ بھی پڑھیں: مغربی ممالک یوکرین کی کیسے جہنم میں ڈھکیلنے والے ہیں؟

ٹاس خبر رساں ایجنسی  کی رپورٹ کے مطابق روسی وزیر خارجہ  سرگئی لاوروف نے یہ بیان اپنے قرقیز ہم منصب جین بک کولوبایف سے ملاقات کے دوران دیا،انہوں نے زور دے کر کہا کہ مغرب کا مقصد روس پر اسٹریٹجک شکست مسلط کرنا ہے، لیکن وہ اس میں ناکام رہے ہیں اور آئندہ بھی ناکام رہیں گے۔

لاوروف نے اس حوالے سے کہا کہ ہم اپنے ملک کے خلاف مغرب کی بے مثال جنگ کا مشاہدہ کر رہے ہیں۔ ایک بار پھر انہوں نے ہمارے خلاف جنگ چھیڑنے اور ہمیں اسٹریٹجک طور پر شکست دینے کا فیصلہ کیا ہے۔ اس مقصد کے لیے وہ کی‌یف کی نازی حکومت کو بطور آلہ استعمال کر رہے ہیں۔

مزید پڑھیں: روس یوکرین جنگ کون نہیں ختم ہونے دے رہا؛ جرمن چانسلر کا اہم انکشاف

انہوں نے مزید کہا کہ مغرب آج تک اس مقصد میں کامیاب نہیں ہوا اور اب بھی نہیں ہوگا۔ بلکہ آہستہ آہستہ انہیں اس حقیقت کا ادراک ہو رہا ہے،سرگئی لاوروف نے موجودہ عالمی حالات کا حوالہ دیتے ہوئے قرقیزستان کے ساتھ ہر شعبے میں قریبی تعلقات استوار کرنے کی ضرورت پر بھی زور دیا۔