امریکہ روس کے جال میں پھنس چکا ہے؛یوکرینی صدر کا دعویٰ 

سچ خبریں:ٹائمز کی رپورٹ کے مطابق، یوکرین کے صدر ولودیمیر زلنسکی نے دعویٰ کیا ہے کہ ان کا ملک جنگ بندی کے معاہدے کے حصول کی کوشش کر رہا ہے، لیکن ساتھ ہی انہوں نے الزام عائد کیا کہ امریکی حکام روس کے پروپیگنڈے سے متاثر ہو چکے ہیں۔

یہ بھی پڑھیں:یوکرین جنگ کےعالمی نظام پر سیاسی اثرات

زلنسکی کے مطابق، ان کا مقصد سابق امریکی صدر ڈونلڈ ٹرمپ اور ان کے نائب جی ڈی ونس کے ساتھ وائٹ ہاؤس میں ہونے والی متنازع ملاقات کے ذریعے روسی اثر و رسوخ کو ختم کرنا تھا،انہوں نے واضح کیا کہ یہ ملاقات یوکرین کے خلاف پھیلائے جانے والے روسی بیانیے کے اثر کو کم کرنے کے لیے کی گئی تھی۔

انہوں نے جنگ کے ابتدائی مہینوں میں ہونے والی معروف جنگ موشچون کی طرف اشارہ کرتے ہوئے کہا:

 اس معرکے میں ہمارے فوجیوں کی تعداد روس کے مقابلے میں 1 کے مقابلے میں 13 تھی، یہ کوئی پروپیگنڈا نہیں بلکہ ایک حقیقت ہے۔

ٹائمز کے مطابق، ٹرمپ اور زلنسکی کئی ہفتوں سے یوکرین میں نایاب معدنی وسائل تک امریکی رسائی اور ممکنہ معدنی معاہدے کے بارے میں بات چیت کر رہے تھے، لیکن 28 فروری کو وائٹ ہاؤس کی کشیدگی کے بعد یہ معاملہ بند ہو گیا۔

زلنسکی نے مزید کہا کہ وہ اس بات پر مایوس تھے کہ ٹرمپ نے روسی صدر ولادیمیر پوتین کی ان دعووں پر توجہ دی جن میں کہا گیا تھا کہ کورسک کے علاقے میں ہزاروں یوکرینی فوجی روس کے محاصرے میں آ چکے ہیں۔

یوکرینی صدر نے ان دعووں کو جھوٹ پر مبنی قرار دیتے ہوئے کہا کہ میرا ماننا ہے کہ روس نے وائٹ ہاؤس میں موجود بعض افراد پر اثر انداز ہونے میں کامیابی حاصل کی ہے۔ ان کی جانب سے امریکیوں کو جو سگنل دیا گیا وہ یہ تھا کہ گویا یوکرینی عوام جنگ ختم نہیں کرنا چاہتے، اور انہیں کسی نہ کسی طریقے سے اس پر مجبور کیا جانا چاہیے۔

زلنسکی نے مزید کہا کہ اس ملاقات کے دوران ایسا محسوس ہوا جیسے ہم اب اتحادی نہیں رہے۔ میں اس گفتگو میں یوکرین کی عزت و وقار کا دفاع کر رہا تھا۔

مزید پڑھیں:یوکرین کی جنگ کے تیسرے سال میں میدان جنگ، نقصانات اور اقتصادی اثرات کا جائزہ

یوکرین کے صدر نے آخر میں امید ظاہر کی کہ ڈونلڈ ٹرمپ یہ سمجھ پائیں گے کہ پوتین نہ صرف کمزور ہے بلکہ ناقابلِ اعتماد بھی ہے۔ انہوں نے کہا کہ اگر روس اس جنگ میں کامیاب ہو گیا تو اس کا انجام ایک تباہ کن سانحے کی صورت میں سامنے آئے گا۔