امریکی فوج کو یمن جنگ کے باعث اسلحہ کے شدید بحران کا سامنا

سچ خبریں:امریکی فوجی حکام اور کانگریس ارکان نے یمن جنگ کے باعث اسلحہ کے شدید بحران اور طویل جنگوں کے لیے ناکافی ذخائر پر تشویش ظاہر کی ہے۔

امریکی فوج کو یمن کی جنگ کے باعث شدید بحرانِ اسلحہ کا سامنا ہے جس نے پینٹاگون کو پریشان کردیا ہے، امریکی نیول آپریشنز کے سربراہ ایڈمرل جیمز کلبی نے اعتراف کیا ہے کہ بحیرہ احمر میں جاری امریکی آپریشنز نے امریکی فوج کی اسلحہ فراہمی اور دفاعی صنعت کی پیداواری صلاحیت پر شدید دباؤ ڈالا ہے۔

یہ بھی پڑھیں: یمن نے امریکہ اور انگلینڈ کو دیا منھ توڑ جواب

کلبی نے خبردار کیا کہ موجودہ اسلحہ سازی کی صلاحیت خصوصاً طویل فاصلے تک مار کرنے والے درست نشانے کے ہتھیاروں اور اینٹی شپ میزائلوں کے شعبے میں طلب کو پورا کرنے کے لیے ناکافی ہے۔

دوسری جانب ڈیفنس نیوز کے مطابق، امریکی فوج نے یمن میں پانچ ہفتوں کی کارروائیوں میں تقریباً ایک ارب ڈالر مالیت کے ہتھیار استعمال کیے ہیں۔

 امریکی کانگریس میں بجٹ کمیٹی کے سربراہ ٹام کول نے بھی اس صورتحال پر گہری تشویش کا اظہار کرتے ہوئے کہا ہے کہ امریکہ طویل جنگ کے لیے کافی اسلحہ ذخیرہ نہیں رکھتا، اس لیے ہمارے لیے جنگوں کو مختصر مدت تک محدود رکھنا ناگزیر ہے۔

مزید پڑھیں:یمنیوں نے امریکہ کو میدان میں للکارا

ٹام کول نے مزید کہا کہ ہمیں اسلحے کی دوبارہ فراہمی کے عمل کو تیز کرنے کی فوری ضرورت ہے تاکہ مستقبل کے چیلنجز کا مقابلہ کیا جاسکے، انہوں نے واضح کیا کہ یہ معاملہ امریکی قومی سلامتی کے لیے انتہائی تشویشناک ہے۔