امریکہ اور اسرائیل مل کر یمن کو شکست دینے میں ناکام رہے؛صیہونی میڈیا کا اعتراف

سچ خبریں:صیہونی ذرائع ابلاغ نے تسلیم کیا ہے کہ امریکہ اور اسرائیل مل کر بھی یمن کو شکست نہیں دے سکے،عبری میڈیا کے مطابق یمنی مزاحمت اور محدود وسائل کے باوجود امریکہ اور اسرائیل کو بھاری نقصان اٹھانا پڑ رہا ہے۔

معا خبر رساں ایجنسی کی رپورٹ کے مطابق، اسرائیلی اخبار یدیعوت احرونٹ کے صحافی رونین برگمن نے اسرائیلی ٹی وی چینل 12 سے گفتگو میں تسلیم کیا کہ واشنگٹن اور تل ابیب یمن کو شکست دینے میں ناکام ہو چکے ہیں۔

یہ بھی پڑھیں: یمن نے امریکہ اور انگلینڈ کو دیا منھ توڑ جواب

رونین برگمن نے کہا کہ امریکی سنٹرل کمانڈ سینٹکام  اور اسرائیلی انٹیلی جنس بھی یمنی مزاحمت کو ختم نہیں کر سکے، معاملہ بہت واضح ہے؛ یمنیوں کو شکست دینا ممکن نہیں، وہ قلیل وسائل کے باوجود ہمیں شدید نقصان پہنچا رہے ہیں۔

صیہونی چینل 12 نے بھی امریکہ کی بڑی طاقت کو یمنیوں کو شکست دینے میں ناکامی پر تنقید کا نشانہ بنایا اور کہا کہ اس ہدف کا حصول عسکری لحاظ سے انتہائی مشکل ہے۔

مزید پڑھیں:یمنیوں نے امریکہ کو میدان میں للکارا

صیہونی چینل کان نے اپنی رپورٹ میں اعتراف کیا کہ اسرائیل کی جانب سے یمن پر کیے جانے والے حملے محض نمائشی اور بے سود ہیں اور ان سے یمن کی دفاعی طاقت میں کمی نہیں آتی، اس چینل نے مزید بتایا کہ یمنی حملوں نے اسرائیلی معیشت کو نشانہ بنایا ہے۔