ترک صدر کا شام میں اپنی موجودگی کا جواز پیش کرنے کی کوشش

?️ 14 دسمبر 2024

سچ خبریں:ترکی کے صدر رجب طیب اردوغان نے شام میں اپنی فوجی موجودگی کو دہشت گردوں کے خلاف جنگ قرار دیا ہے اور دعویٰ کیا کہ ترکی کا مقصد اس ملک کو دہشت گردوں سے پاک کرنا ہے۔

الجزیرہ نیوز چینل کی رپورٹ کے مطابق، اردوغان نے اپنے ایک بیان میں کہا کہ شام کو دہشت گردوں سے پاک کیا جائے گا اور ہمارے شام میں موجود ہونے کی وجہ یہی ہے!

یہ بھی پڑھیں: ایران اور روس نے بشار الاسد کی حمایت کیوں نہیں کی؟ترکی کا دعوی

اردوغان نے مزید کہا کہ ہم ہمیشہ شامی عوام کے ساتھ ہیں، ہم نے شامی پناہ گزینوں کو اپنے یہاں پناہ دی اور ہم اس پر کبھی افسردہ نہیں ہوئے۔

انہوں نے یہ بھی دعویٰ کیا کہ شامی عوام نے بعثی نظام کو ختم کر کے اور بشار اسد کے فرار کے بعد امن و آزادی کی طرف قدم بڑھایا، ہم ہر وہ کام کریں گے جو شامی عوام کی واپسی کے لیے ضروری ہو اور جو لوگ واپس نہیں آنا چاہتے، ترکی ان کا خیرمقدم کرے گا۔

مزید پڑھیں: شام کے بارے میں ایران ، ترکی اور روس کا مشترکہ بیان

بشار اسد کے حوالے سے تبصرہ کرتے ہوئے اردوغان نے کہا کہ شام کی جیلیں بشار اسد کے دور میں قتل گاہیں بن چکی تھیں، وہاں جیلوں کے اندر کے دل دہلا دینے والے مناظر اسد کے ظالمانہ اور آمریت کے نظام کو بے نقاب کرتے ہیں۔