اسرائیل خطے میں عدم استحکام پیدا کرنا بند کرے:ترکی

سچ خبریں:ترکی کے وزیر خارجہ ہاکان فیدان نے اسرائیل کے ایران پر حملے کی شدید مذمت کرتے ہوئے کہا کہ اسرائیل غزہ میں نسل کشی، لبنان میں بحران، اور اب ایران کو نشانہ بنا رہا ہے،انہوں نے اسرائیل پر زور دیا کہ خطے میں عدم استحکام کی پالیسی ترک کرے۔

الجزیرہ نیوز چینل کی رپورٹ کے مطابق ترکی کے وزیر خارجہ ہاکان فیدان نے ایران پر اسرائیل کے حملے پر سخت ردعمل ظاہر کرتے ہوئے کہا ہے کہ صیہونی حکومت کو فوری طور پر خطے میں عدم استحکام پیدا کرنے والے اقدامات سے باز آنا چاہیے۔

یہ بھی پڑھیں:برطانوی انسانی حقوق کی تنظیموں کی جانب سے اسرائیل کے ایران پر حملے کی شدید مذمت 

رپورٹ کے مطابق، ہاکان فیدان نے کہا کہ  اسرائیل نے غزہ میں ایک انسانی المیہ کو جنم دیا، لبنان کے استحکام کو نقصان پہنچایا، شام پر حملے کی سازشیں کر رہا ہے اور اب ایران کو نشانہ بنایا ہے،انہوں نے واضح کیا کہ اسرائیل کو چاہیے کہ وہ اپنی بی‌ثبات‌کن حکمت عملی ترک کرے اور خطے میں کشیدگی کے بجائے امن کے قیام کی طرف قدم بڑھائے۔

فیدان نے مزید کہا کہ ہمیں یہ نہیں بھولنا چاہیے کہ موجودہ کشیدگی کا فائدہ غزہ میں جاری نسل کشی سے عالمی توجہ ہٹانے کے لیے بھی استعمال ہو سکتا ہے۔ ہمیں اس چال میں نہیں آنا چاہیے۔

مزید پڑھیں:اسرائیلی حملے کی مذمت کرنے والے ممالک 

انہوں نے عالمی برادری سے مطالبہ کیا کہ خطے میں کشیدگی کو کم کرنے کے لیے اسرائیل پر دباؤ ڈالا جائے تاکہ مشرق وسطیٰ مزید آگ میں نہ جھونکا جائے۔