چین کے ساتھ تجارتی معاہدے پر ٹرمپ کی کینیڈا کو وارننگ

?️ 1 فروری 2026

سچ خبریں:امریکی صدر ڈونلڈ ٹرمپ نے چین کے ساتھ ممکنہ تجارتی معاہدے پر کینیڈا کو خبردار کرتے ہوئے کہا ہے کہ اگر اوٹاوا نے بیجنگ سے معاہدہ کیا تو امریکہ کی جانب سے بہت بڑا ردِعمل سامنے آئے گا۔

امریکی صدر ڈونلڈ ٹرمپ نے چین کے ساتھ تجارتی تعاون کے امکان پر کینیڈا کو سخت وارننگ جاری کی ہے۔

یہ بھی پڑھیں:کینیڈا کے انضمام سے لے کر سرحدوں کے توسیع تک؛ٹرمپ کا امریکی سلطنت بنانے کا خواب  

ٹرمپ نے صحافیوں سے گفتگو کے دوران کہا کہ اگر کینیڈا چین کے ساتھ تجارتی معاہدے کی سمت بڑھا تو واشنگٹن اس پر بہت بڑا ردِعمل دے گا۔ انہوں نے واضح کیا کہ امریکہ نہیں چاہتا کہ چین کینیڈا پر اپنا اثر و رسوخ اور کنٹرول بڑھائے۔

مزید پڑھیں:ٹرمپ کا کینیڈا کے خودمختار فلسطینی ریاست کو تسلیم کرنے کے اقدام پر ردعمل

امریکی صدر نے اوٹاوا اور بیجنگ کے درمیان ممکنہ تجارتی معاہدے کا حوالہ دیتے ہوئے کہا کہ اگر وہ اس معاہدے پر دستخط کرتے ہیں جس کے پیچھے شی جن پنگ کی خواہش ہے تو چین عملی طور پر کینیڈا کو اپنے ہاتھ میں لے لے گا۔