ایران پر حملے سے متعلق ٹرمپ کے بیانات نے ہمیں بھی حیران کر دیا: صہیونی اخبار

?️ 20 مئی 2026

سچ خبریں:صہیونی اخبار ہارٹیز نے انکشاف کیا ہے کہ ایران پر ممکنہ حملے سے متعلق ڈونلڈ ٹرمپ کے حالیہ بیانات نے تل ابیب کو حیران کر دیا، جبکہ صیہونی سکیورٹی ذرائع نے جنگ دوبارہ شروع ہونے کی صورت میں اسرائیل کی شمولیت کا خدشہ ظاہر کیا ہے۔

ایک ایسے وقت میں جب ڈونلڈ ٹرمپ بار بار ایران کے خلاف جنگ کی دھمکیوں اور پھر اپنی دھمکیوں سے پیچھے ہٹنے کے بیانات دے رہے ہیں، ایک صہیونی اخبار نے انکشاف کیا ہے کہ تل ابیب ٹرمپ کے حالیہ بیانات سے حیران رہ گیا۔

صہیونی اخبار ہارٹیز نے صیہونی فوجی ذرائع کے حوالے سے لکھا ہے کہ امریکی صدر ڈونلڈ ٹرمپ کے اس بیان نے انہیں حیران کر دیا جس میں انہوں نے کہا تھا کہ وہ ایران پر حملے سے صرف چند گھنٹے کے فاصلے پر تھے۔

اخبار نے ٹرمپ کے یکطرفہ اور خودسرانہ مؤقف پر تنقید کرتے ہوئے لکھا کہ تل ابیب کو توقع تھی کہ ایران پر کسی بھی ممکنہ حملے کی منصوبہ بندی براہِ راست اور مکمل طور پر اسرائیل کے ساتھ ہم آہنگی کے ذریعے کی جائے گی۔

ہارٹیز نے سکیورٹی ذرائع کے حوالے سے مزید لکھا کہ اگر امریکہ ایران کے خلاف دوبارہ حملے شروع کرتا ہے تو اس کے نتیجے میں اسرائیل یقینی طور پر اس جنگ میں شامل ہو جائے گا۔

اس صہیونی رپورٹ میں اس بات پر بھی شکوک و شبہات کا اظہار کیا گیا کہ آیا جنگ کی طرف واپسی کے ذریعے ایران میں حکومت کی تبدیلی سے متعلق امریکی اور صہیونی اہداف حاصل کیے جا سکتے ہیں یا نہیں۔