مغربی ایشیا کے دورے کے بارے میں ٹرمپ کا اظہار خیال

?️ 22 جنوری 2025

سچ خبریں:امریکی صدر ڈونلڈ ٹرمپ نے مشرق وسطیٰ کے ممکنہ دورے کا عندیہ دیا ہے لیکن یہ بھی کہا کہ دورہ فوری طور پر عمل میں نہیں آئے گا۔

مڈل ایسٹ آئی کی رپورٹ کے مطابق، ٹرمپ نے ایک مشترکہ پریس کانفرنس کے دوران، جس میں ٹیکنالوجی کمپنیوں اوریکل، سوفٹ بینک اور اوپن اے آئی کے سینئر عہدیدار شامل تھے، کہا کہ ہم مغربی ایشیا کے دورے پر غور کر رہے ہیں، لیکن فی الحال ایسا ممکن نہیں ہے کیونکہ اسرائیلی قیدی حماس کی قید سے واپس آ رہے ہیں۔

یہ بھی پڑھیں: ہم نے مشرق وسطیٰ کو تباہ کیا اور لاکھوں افراد کو قتل کیا: ٹرمپ کا اعتراف

ٹرمپ نے غزہ میں صیہونی حکومت کے ہاتھوں پندرہ ماہ سے جاری مظالم اور نسل کشی پر کوئی تبصرہ نہیں کیا جس میں نہتے فلسطینیوں کو نشانہ بنایا گیا۔

تاہم انہوں نے دعویٰ کیا کہ بعض قیدی شدید زخمی حالت میں ہیں،اگر میں یہاں موجود نہ ہوتا تو وہ کبھی واپس نہ آتے اور سب کے سب مارے جاتے۔”

ٹرمپ نے غزہ میں جاری جنگ بندی کا کریڈٹ بھی خود کو دینے کی کوشش کی اور کہا کہ یہ صورتحال بہت افسوسناک ہے اور ایسی چیزیں کبھی نہیں ہونی چاہیے

مزید پڑھیں: ٹرمپ کی واپسی اور نیتن یاہو کی جنگی چال؛ کیا نیا امریکی صدر اسرائیلی مقاصد کا شکار ہوگا؟

ٹرمپ کے اس بیان سے ظاہر ہوتا ہے کہ وہ مشرق وسطیٰ کے دورے کے بارے میں محتاط رویہ اختیار کر رہے ہیں، خاص طور پر ایسے وقت میں جب خطے میں کشیدگی اور انسانی حقوق کی خلاف ورزیاں عروج پر ہیں۔