یمن کے خلاف جنگ چھ روزہ جنگ جیسی نہیں ہوگی؛صیہونی جنرل کا اعتراف 

سچ خبریں:صیہونی جنرل نے تسلیم کیا کہ انصار اللہ یمن اسرائیل کے لیے سب سے بڑا خطرہ بن چکی ہے۔ موشکی اور ڈرون حملے بندر ایلات کو مفلوج اور اسرائیل کو شدید دفاعی چیلنج سے دوچار کر چکے ہیں۔

صیہونی فوج کے ریٹائرڈ جنرل امیر نوی نے اعتراف کیا ہے کہ یمن کی انصار اللہ اس وقت اسرائیل کے لیے سب سے بڑا خطرہ بن چکی ہے، انہوں نے واضح الفاظ میں کہا کہ یمنی مزاحمتی گروہ آزادانہ طور پر اپنی حکمت عملی تیار کر رہے ہیں اور دفاعی صلاحیتوں میں خود کفیل ہو چکے ہیں۔

یہ بھی پڑھیں:بنگوریون سے حیفا تک؛ یمن کا اسرائیل کے اقتصادی و سلامتی مرکز پر حملہ

جنرل امیر نوی نے کہا کہ حوثی اب ایک آزاد قوت بن چکے ہیں جو اسرائیل کے لیے ایک سنجیدہ چیلنج ہیں۔ یمن سے داغے جانے والے میزائل پورے اسرائیل کے لیے خطرے کی گھنٹی بن چکے ہیں۔

انہوں نے اس بات پر بھی زور دیا کہ حوثیوں کی جانب سے اسرائیلی بندرگاہ ایلات کا محاصرہ جاری ہے جس کی وجہ سے بندرگاہ مکمل طور پر مفلوج ہو چکی ہے اور وہاں آمدورفت رک گئی ہے۔

صیہونی جنرل نے خبردار کیا کہ ہم ایک ایسی جنگ میں داخل ہو چکے ہیں جو چھ روزہ جنگ کی طرح جلد ختم ہونے والی نہیں۔

یاد رہے کہ پچھلے ڈیڑھ سال سے انصار اللہ اور یمنی عوامی افواج کی جانب سے اسرائیل پر ڈرون اور میزائل حملے جاری ہیں، ان حملوں نے نہ صرف اسرائیل کی عسکری تنصیبات کو متاثر کیا بلکہ سیاسی، معاشی، سیکورٹی اور نفسیاتی محاذوں پر بھی اسرائیلی ریاست کو ہلا کر رکھ دیا ہے۔

 اسرائیلی ہوائی اڈوں، خصوصاً بن گورین ایئرپورٹ، پر حملوں سے بین الاقوامی پروازوں میں کمی آئی ہے، اسرائیل کی ہوابازی کی صنعت کو بھاری مالی نقصان کا سامنا ہے، عوامی سطح پر صہیونی حکومت کے خلاف نارضایتی میں نمایاں اضافہ ہوا ہے۔

امریکہ ا اور اسرائیل دونوں نے یمن پر شدید فضائی حملے کیے لیکن انصار اللہ کی مسلسل جوابی کارروائیوں کو روکنے میں ناکام رہے۔ یمن کی مزاحمتی قوت نے نہ صرف حملے جاری رکھے بلکہ میدان میں طاقت کا توازن بھی اپنے حق میں پلٹ دیا۔

مزید پڑھیں:اسرائیل کا 2025 کا ڈراؤنا خواب؛ تل ابیب یمن سے نمٹنے میں ناکام کیوں؟

انصار اللہ کی کامیابی صرف عسکری مہارت کا نتیجہ نہیں بلکہ یمنی عوام کے اتحاد، مقاومتی محاذ سے تعلق اور مضبوط عوامی حمایت کا بھی مظہر ہے۔ اسرائیلی حکومت کی کمزوری ان تمام عوامل کا عکاس ہے۔