نیتن یاہو کی شام میں غیر قانونی آمد پر جولانی حکومت کا ردعمل؛ صرف مذمت پر اکتفا

?️ 10 ستمبر 2026

سچ خبریں:جولانی حکومت کی وزارت خارجہ نے نیتن یاہو کی شامی سرزمین پر غیر قانونی آمد کی مذمت کرتے ہوئے اسے شام کی خودمختاری اور علاقائی سالمیت کی کھلی خلاف ورزی قرار دیا ہے۔

جولانی حکومت نے صہیونی حکومت کے وزیر اعظم بنیامین نیتن یاہو کی غیر قانونی طور پر شامی سرزمین میں داخلے پر ردعمل دیتے ہوئے صرف اس کی مذمت کی ہے۔

المیادین کے مطابق جولانی حکومت کی وزارت خارجہ نے ایک بیان میں کہا ہے کہ وہ صہیونی حکومت کے وزیر اعظم بنیامین نیتن یاہو کی شامی سرزمین میں غیر قانونی آمد کی مذمت کرتی ہے۔

وزارت خارجہ نے مزید کہا کہ نیتن یاہو کا یہ اقدام اشتعال انگیز ہے اور شام کی خودمختاری اور علاقائی سالمیت کی کھلی خلاف ورزی کے مترادف ہے۔

وزارت نے خبردار کیا کہ اسرائیل کی جانب سے شام میں مسلسل دراندازی اور جارحانہ کارروائیاں ایک خطرناک حد تک بڑھتی ہوئی صورتحال ہیں، جو ملک کی سلامتی اور استحکام کے لیے خطرہ بن رہی ہیں۔

جولانی حکومت کی وزارت خارجہ نے مزید کہا کہ وہ ان خلاف ورزیوں کے تمام نتائج کی مکمل ذمہ داری قابض صیہونی حکومت پر عائد کرتی ہے۔