مشرق وسطیٰ کا نقشہ بدلنے کا خواب صرف ایک وہم ہے:مصر

سچ خبریں:مصری وزیر خارجہ بدر عبدالعاطی نے اسرائیلی جارحیت کی مذمت کرتے ہوئے مشرق وسطیٰ کا جغرافیہ بدلنے کی سوچ کو محض ایک وہم قرار دیا، انہوں نے خبردار کیا کہ غزہ پر دوبارہ حملے خطے میں عدم استحکام کا بنیادی سبب بنیں گے۔

مصری وزیر خارجہ بدر عبدالعاطی نے مشرق وسطیٰ کے جغرافیہ کو تبدیل کرنے کی اسرائیلی کوششوں پر شدید ردعمل دیتے ہوئے اسے محض ایک وہم اور خیالی تصور قرار دیا ہے، ان خیالات کا اظہار انہوں نے المیادین کو دیے گئے ایک انٹرویو میں کیا۔

یہ بھی پڑھیں:مصری تجزیہ کار: عرب دنیا کو ایران/اسرائیل کے ساتھ کھڑا ہونا چاہیے ایک بدمعاش اور مجرم ہے

انہوں نے کہا کہ مشرق وسطیٰ میں امن و سلامتی، بیرونی طاقتوں کے نظریات یا جنگی عزائم سے نہیں، بلکہ خطے کے ممالک کی مشترکہ سیاسی ارادے سے حاصل ہو سکتا ہے۔

بدر عبدالعاطی نے اسرائیل کو براہِ راست مخاطب کرتے ہوئے کہا کہ ہم نے بارہا اسرائیلی حکام کو خبردار کیا ہے کہ طاقت کے استعمال اور عسکری برتری کے ذریعے نہ کبھی سلامتی حاصل ہوئی ہے اور نہ ہی حاصل ہو سکے گی۔

مصری وزیر خارجہ نے واضح کیا کہ قاہرہ کی کوششیں غزہ میں 60 روزہ جنگ بندی کے حصول کے لیے جاری ہیں، اور اس حوالے سے بات چیت کا عمل فعال ہے۔ لیکن انہوں نے ساتھ ہی یہ بھی بتایا کہ اسرائیل نے 19 جنوری کو طے پانے والے فائر بندی معاہدے کی خلاف ورزی کرتے ہوئے، غزہ پر ایک بار پھر جارحیت کا آغاز کر دیا ہے، جو کہ قطعی ناقابل توجیہ ہے۔

انہوں نے تل ابیب کو خبردار کیا کہ اگر اسرائیل نے جنگ بندی کے کسی بھی ممکنہ معاہدے کے بعد دوبارہ غزہ پر حملہ کیا، تو یہی اقدام خطے میں عدم استحکام اور وسیع تر سیکیورٹی بحران کا بنیادی سبب بنے گا۔

مزید پڑھیں:ایران کے خلاف صیہونی حملے پر مصر کا ردعمل

عبدالعاطی کا بیان ایسے وقت میں سامنے آیا ہے جب خطۂ مشرق وسطیٰ اسرائیل، فلسطین، لبنان، یمن اور ایران جیسے محاذوں پر شدید کشیدگی کا شکار ہے اور مصر اس صورت حال میں خود کو ایک فعال ثالث کے طور پر پیش کر رہا ہے۔