فلائی دبئی کی پرواز کا معاون پائلٹ خودکش حملہ آور تھا؛ نیتن یاہو کا دعویٰ

فلائی دبئی

?️

سچ خبریں:صیہونی وزیر اعظم بنیامین نیتن یاہو نے دعویٰ کیا ہے کہ فلائی دبئی کی پرواز کے معاون پائلٹ پر انتہا پسندانہ نظریات کا اثر تھا اور وہ خودکش حملہ آور تھا، تاہم امارات میں صیہونی نمائندے نے کہا کہ واقعے کی وجہ ابھی واضح نہیں۔

صیہونی وزیر اعظم بنیامین نیتن یاہو نے فلائی دبئی کی پرواز میں پیش آنے والے واقعے کے دوبارہ رونما ہونے کے خدشے کا اظہار کرتے ہوئے دعویٰ کیا ہے کہ طیارے کا معاون پائلٹ خودکش حملہ آور تھا۔

الجزیرہ کے مطابق، بنیامین نیتن یاہو نے کہا: ہم ابھی تک فلائی دبئی کے طیارے کو پیش آنے والے حادثے کے پسِ پردہ محرکات کی تحقیقات کر رہے ہیں اور ہمیں معلوم ہے کہ معاون پائلٹ انتہا پسندانہ نظریات سے متاثر تھا۔

رپورٹ کے مطابق، نیتن یاہو نے اپنے دعوے کو آگے بڑھاتے ہوئے کہا: یہ واضح ہے کہ فلائی دبئی کی پرواز کا معاون پائلٹ خودکش حملہ آور تھا۔

صیہونی وزیر اعظم نے اپنے بیان میں مزید کہا کہ یہ واقعہ دوبارہ پیش آسکتا ہے، کیونکہ ایسے شواہد موجود ہیں کہ ایران اور اس سے وابستہ گروہ انتخابات کے دوران اسرائیل کے خلاف حملے کرنے کی کوشش کر رہے ہیں۔ انہوں نے کہا کہ چند روز میں یہ معلوم کیا جاسکتا ہے کہ آیا معاون پائلٹ کے ایران کے ساتھ روابط تھے یا نہیں۔

نیتن یاہو نے مزید کہا کہ پائلٹوں کی بھرتی اور انتخاب کے عمل میں ایک خامی اور کمزوری موجود ہے، جسے دور کرنے کی کوشش کی جارہی ہے۔ انہوں نے کہا کہ ایسے واقعات کی تکرار روکنے کے لیے اسرائیل متحدہ عرب امارات کے ساتھ تعاون کر رہا ہے۔

تاہم نیتن یاہو کے ان دعووں کے برعکس، متحدہ عرب امارات میں صیہونی نمائندے نے کہا کہ فلائی دبئی کے واقعے کے پسِ پردہ محرکات ابھی تک معلوم نہیں ہوسکے اور اس بارے میں کسی نتیجے پر پہنچنا قبل از وقت ہے۔

رپورٹ کے مطابق، مذکورہ صیہونی عہدیدار نے مزید بتایا کہ صیہونی وزیر اعظم نے بدھ کے روز فلائی دبئی کے واقعے کے بعد متحدہ عرب امارات کے صدر سے ٹیلی فون پر گفتگو کی تھی۔

یہ گفتگو ایسے وقت میں ہوئی جب متحدہ عرب امارات کی سرکاری خبر رساں ایجنسی وام نے اعلان کیا کہ ملک کے اٹارنی جنرل نے فلائی دبئی کے طیارے سے پیش آنے والے واقعے اور اس کے ممکنہ دہشت گردانہ سرگرمیوں سے تعلق کی تحقیقات کا حکم دے دیا ہے۔

بدھ 8 میزان کو فلائی دبئی کی پرواز نمبر FZ1073 دبئی سے تل ابیب جارہی تھی کہ طیارے کے کاک پٹ میں ایک سکیورٹی واقعہ پیش آیا، جس کے بعد پرواز کا رخ تبدیل کرکے سعودی عرب کے تبوک ہوائی اڈے پر ہنگامی لینڈنگ کرائی گئی۔

مشہور خبریں۔

انسٹاگرام پر بہت کم دیکھی جانے والی ویڈیوز کی کوالٹی بدتر کیے جانے کا اعتراف

?️ 5 نومبر 2024سچ خبریں: انسٹاگرام کے بانی نے اعتراف کیا ہے کہ پلیٹ فارم

عمران خان کی نجی ہسپتال منتقلی کی درخواست مسترد، میڈیکل بورڈ بنانےکا حکم

?️ 12 مارچ 2026اسلام آباد (سچ خبریں) اسلام آباد ہائیکورٹ نے عمران خان کی نجی

9 مئی کو شہدا اور غازیوں کی بے حرمتی کرنے والوں سے رعایت ہوئی تو ملک نہیں بچے گا، وزیراعظم

?️ 23 مئی 2023اسلام آباد:(سچی خبریں) وزیر اعظم شہباز شریف نے کہا ہے کہ ہماری

غزہ پر اسرائیل کے حملوں میں کتنے طالب علم مارے جا چکے ہیں؟

?️ 28 دسمبر 2023سچ خبریں: غزہ کی وزارت تعلیم نے اعلان کیا ہے کہ اسرائیلی

عبرانی میڈیا کا دعویٰ: گولانی کئی قاتلانہ حملوں میں بچ گیا

?️ 22 جولائی 2025سچ خبریں: عبرانی زبان کے ایک میڈیا آؤٹ لیٹ نے دعویٰ کیا:

نوجوانوں میں ڈپریشن کی وجہ کیا ہو سکتی ہے؟

?️ 5 مئی 2021لندن (سچ خبریں) ایک اہم سوال جو ذہن میں آتا ہے وہ

عمر ایوب پی ٹی آئی کے سیکریٹری جنرل کے عہدے سے مستعفی

?️ 7 ستمبر 2024اسلام آباد: (سچ خبریں) پاکستان تحریک انصاف کے سیکریٹری جنرل عمر ایوب

یوکرین کے چار علاقوں کو روس کے ساتھ ملحق نہیں ہونے دیں گے: تل ابیب

?️ 1 اکتوبر 2022سچ خبریں:     صیہونی حکومت کی وزارت خارجہ کے ترجمان نے اعلان

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے