اسلامی جہاد کے سکریٹری جنرل کی لبنانی پارلیمنٹ کے اسپیکر سے اہم ملاقات، اسرائیلی جارحیت کا مقابلہ کرنے پر زور دیا

?️ 28 مئی 2021

بیروت (سچ خبریں) فلسطینی تحریک، اسلامی جہاد کے سکریٹری جنرل زیاد النخالہ کی لبنانی پارلیمنٹ کے اسپیکر نبیہ بری کے ساتھ اہم ملاقات ہوئی جس میں انہوں نے اسرائیلی جارحیت کا مقابلہ کرنے پر زور دیتے ہوئے کہا کہ غزہ میں ہانے والی جنگ نے مسئلہ فلسطین کو عالمی سطح پر اجاگر کردیا ہے۔

تفصیلات کے مطابق فلسطینی تحریک، اسلامی جہاد کے سکریٹری جنرل نے لبنانی پارلیمنٹ کے اسپیکر سے ملاقات کی اور دونوں رہنماوں کے مابین غزہ کی تازہ ترین صورتحال کے بارے میں بات چیت ہوئی۔

اس ملاقات کے دوران زیاد النخالہ نے کہا کہ کے بعد کہا کہ قدس کی جنگ میں فلسطینیوں کی شاندار کامیابی نے مسئلہ فلسطین کے کو عالمی سطح پر اجاگر کردیا ہے۔

غیر ملکی خبررساں ایجنسی کی رپورٹ کے مطابق فلسطین اسلامی جہاد تحریک کے سکریٹری جنرل زیاد النخالہ نے لبنان کی پارلیمنٹ کے اسپیکر نبیح بیری سے ملاقات کی، دونوں فریقین نے غزہ اور مقبوضہ علاقوں میں تازہ ترین پیشرفت پر تبادلہ خیال کیا۔

اس رپورٹ کے مطابق، زیاد النخالہ نے ملاقات کے بعد گفتگو کرتے ہوئے اس بات پر زور دیا کہ قدس کی اس جنگ میں مزاحمت کی شاندار جیت نے مسئلہ فلسطین کو عالمی سطح پر کھڑا کردیا ہے۔

فلسطینی اسلامی جہاد کے سکریٹری جنرل نے اپنے بیان میں مزید کہا کہ اگر قدس اور مسجد اقصی پر صہیونیوں نے حملہ کیا تو مزاحمت پورے خطے میں متحد ہوکر اس دہشت گردی کا مقابلہ کرے گی۔

انہوں نے نبیہ بری کے بیانات کے بارے میں گفتگو کرتے ہوئے کہا کہ لبنانی پارلیمنٹ کے اسپیکر سے ملاقات کے دوران انہوں نے صہیونی حکومت کے مقابلہ میں فلسطینیوں کے قومی اتحاد اور مقابلے پر زور دیا ہے۔

واضح رہے کہ قبل ازیں غزہ میں حماس کے پولیٹیکل بیورو کے سربراہ یحییٰ السنوار نے کہا تھا کہ غزہ میں جنگ بندی کا تسلسل آنے والے دنوں میں صیہونی حکومت کے طرز عمل پر منحصر ہے، میں یہ کہہ سکتا ہوں کہ القسام بریگیڈ اب کافی متحرک اور مکمل تیار ہے، فلسطینی مزاحمت ایک بار پھر صیہونیوں کا مقابلہ کرنے کے لئے پوری طرح تیار ہے۔

غزہ میں حماس کے سیاسی دفتر کے سربراہ نے کہا کہ اگر صیہونی دشمن نے ایک بار پھر ہمارے ٹھکانوں پر حملہ کیا اور مسجد اقصی کی بے حرمتی کی یا شیخ جراح کے لوگوں کو گھروں سے بے دخل کرنے کی کوشش کرتا ہے تو یہ جنگ بندی ختم ہوجائے گی اور صہیونیوں کے خلاف ایک بار پھر حملے شروع کردیئے جائیں گے۔