سعودی جنگی طیاروں کی یمن میں اسکول اور مسجد پر بمباری

?️ 26 اکتوبر 2026

سچ خبریں:سعودی جنگی طیاروں نے یمن کے صوبہ تعز میں ایک اسکول اور مسجد کو اپنے حملوں کا نشانہ بنایا ہے۔

یمن کے خلاف سعودی عرب کے تازہ حملوں میں جنگی طیاروں نے تعز کے علاقے مقبنہ میں واقع المشاول کے مقام پر ایک مسجد اور اسکول کو نشانہ بنایا۔

رپورٹس کے مطابق، صوبہ صعدہ کے علاقے نشور میں ایک اسکول کے قریب سعودی جنگی طیاروں کے حملوں کے نتیجے میں ایک بچہ اور ایک طالب علم زخمی بھی ہوئے ہیں۔

رپورٹ میں کہا گیا ہے کہ سعودی عرب نے یمن کے خلاف حملوں میں شدت آنے کے بعد سے دانستہ طور پر رہائشی علاقوں، بنیادی ڈھانچے، بندرگاہوں اور ہوائی اڈوں کو بمباری کا نشانہ بنایا ہے۔

گزشتہ شب یمن کی مسلح افواج کے ترجمان نے اعلان کیا کہ کشیدگی میں اضافے کے آغاز سے اب تک سعودی عرب کے یمن پر حملوں کی مجموعی تعداد ۳ ہزار ۱۷۹ فضائی اور میزائل حملوں تک پہنچ گئی ہے۔