روس نے امریکی پالیسیوں کو دیکھتے ہوئے امریکا کے خلاف اہم قدم اٹھا لیا

?️ 16 مئی 2021

ماسکو (سچ خبریں) روس نے امریکا کی جانب سے انتہاپسندی اور دوسرے ممالک کے خلاف جارحانہ پالیسی اختیار کرنے پر امریکا کے خلاف قدم اٹھاتے ہوئے اسے غیر دوستانہ ممالک کی فہرست میں شامل کردیا ہے۔

تفصیلات کے مطابق روس نے امریکا سے دوستی ختم کرنے کا اعلان کرتے ہوئے امریکا کو باضابطہ طور پر غیر دوستانہ ممالک کی فہرست میں شامل کردیا ہے۔

روسی وزیراعظم میخائل میشوسٹن کے دستخط سے جاری کردہ فہرست میں جمہوریہ چیک کا نام بھی شامل ہے، تاہم روسی حکومت کے ترجمان نے کہا ہے کہ روس کسی کے ساتھ بھی ہر قسم کے مذاکرات کے لیے تیار ہے۔

واضح رہے کہ اس سے قبل جوبائیڈن انتظامیہ نے روس پر پابندیاں عائد کرتے ہوئے 10 سفیروں کو ملک بدر کیا تھا جس کے جواب میں روس نے بھی امریکی سفیروں کو اپنے ملک سے نکال دیا تھا۔

اس کے ساتھ ساتھ روس نے 8 اہم امریکی شخصیات کو مانیٹرنگ لسٹ میں رکھ لیا تھا اورساتھ ساتھ ایف بی آئی کے ڈائریکٹر پر بھی نظر رکھی جارہی ہے۔