افریقہ میں طاقت کی جنگ

?️ 10 فروری 2026

سچ خبریں:صہیونی حکومت کی جانب سے صومالی لینڈ کو تسلیم کرنے کے بعد سعودی عرب اور مصر نے صومالیہ کے حق میں فوجی و سلامتی اقدامات تیز کر دیے ہیں، جس سے افریقہ کے سینگ میں نئی طاقت کی کشمکش شدت اختیار کر گئی ہے۔

روسیا الیوم کی رپورٹ کے مطابق صہیونی اخبار  اسرائیل ہیوم نے صومالیہ میں تل ابیب کی غیر قانونی پیش قدمی کے مقابلے میں سعودی عرب اور مصر کے اقدامات کی نشاندہی کی ہے۔

یہ بھی پڑھیں:صومالیہ کے صدر کی اسرائیلی مداخلت پر شدید تنقید؛ پورے افریقہ کے لیے خطرہ قرار

صیہونی اخبار نے رپورٹ دی ہے کہ سعودی عرب نے صومالیہ کے ساتھ ایک فوجی و سلامتی معاہدہ طے کیا ہے، جو اسرائیل کی جانب سے علیحدگی پسند خطے صومالی لینڈ کو تسلیم کرنے کے براہِ راست ردِعمل میں سامنے آیا ہے۔

اس رپورٹ میں، جو افریقہ کے سینگ میں طاقت کی جنگ بھڑک اٹھی؛ مصر اور سعودی عرب کا اسرائیل کو جواب کے عنوان سے شائع ہوئی، یہ بھی بتایا گیا ہے کہ قاہرہ بھی ریاض کی طرح صہیونی حکومت کے اس غیر قانونی اقدام کا سخت مخالف ہے اور اس نے اسرائیلی تحرکات کے جواب میں صومالیہ میں دوبارہ اپنی فوج تعینات کر دی ہے، جس کی تعداد مبینہ طور پر دس ہزار مصری فوجیوں تک پہنچ چکی ہے۔

رپورٹ میں زور دیا گیا ہے کہ سعودی عرب صومالی لینڈ کے حوالے سے صہیونی اقدام کی شدید مخالفت کر رہا ہے، اور اس کے بعد کئی دیگر عرب و اسلامی ممالک بھی صومالیہ کی تقسیم کے خلاف موقف اختیار کر چکے ہیں۔

مزید پڑھیں:صومالی: اسرائیل کی ہارن آف افریقہ میں آبی گزرگاہوں کو کنٹرول کرنے کی کوشش

اس سے قبل بھی مصر کے صدر عبدالفتاح السیسی نے انتباہی پیغامات بھیجتے ہوئے صومالیہ کی سلامتی اور بحیرۂ احمر کے تحفظ پر زور دیا تھا۔